மங்கல காரியங்களும் அதன் தாத்பரியமும்

மங்கல காரியங்களும் அதன் தாத்பரியமும்

01.பிள்ளையார் சுழி போடுவது?

ஐந்து தெய்வ வணக்கமே பிள்ளையார் சுழி என்பது ஐதீகம். பிள்ளையார் சுழியில் உள்ள அகரம் பிரம்மன், உகரம் திருமால், மகரம் ருத்திரன், பிந்து மகேசன், நாதம் சிவன் என்பர். விநாயகரை மஞ்சளிலும், மண்ணிலும் எப்படி வேண்டுமானாலும் பிடித்து

வைத்துக் கும்பிடலாம். சங்கடங்கள் நீக்கி நற்பலன்களைத் தருவார்.

__________________________________________________

02.சுவாமி சிலைகளை பஞ்ச உலோகத்தில் செய்ய காரணம் என்ன? 
பஞ்சலோகத்தில் உள்ள தங்கம் குருவின் சக்தியையும், வெள்ளி சுக்ரனின் சக்தியையும், செம்பு சூரியனின் சக்தியையும், இரும்பு சனியின் சக்தியையும், ஈயம் கேதுவின் சக்தியையும், வெளிப்படுத்துகிறது. வியாழன் எனப்படும் குரு கிரகத்தின்
ஆற்றலை பெற தங்கத்தையும், சனி கிரகத்தின் ஆற்றலை பெற இரும்பையும், சுக்ரன் என்ற வெள்ளி கிரகத்தின் ஆற்றலை பெற வெள்ளியையும். சூரிய கிரகத்தின் ஆற்றலை பெற செம்பையும், கேது கிரகத்தின் ஆற்றலை பெற ஈயத்தையும்
பயன்படுத்துவது நமது முன்னோர் நம்பிக்கை தான் இருந்ததினாலே சிலைகளை பஞ்ச உலோகத்தில் செய்தனர்.
__________________________________________________

03.கோவிலில் வாசல் படியை தொட்டுக் கும்பிட்டு செல்வது ஏன்?
கோவிலில் வாசல் படி இருந்தால், அதை பெரும்பாலான பக்தர்கள் தொட்டு கும்பிட்ட பிறகு தான் கோவிலின் உள் செல்வர். இதில் அறிவியல் பூர்வமான ஒரு செயலை நம் முன்னோர்கள் வைத்து இருக்கிறார்கள். ஒரு பக்தன், கோவில் வாசல்படியை தொட குனியும் போது அது முதலில் அவனிடம் பணிவை ஏற்படுத்துகிறது. அடுத்து அது அவன்
உடம்பில் உள்ள சூரிய நாடியை இயக்குகிறது. படிக்கட்டை தொட்ட பிறகு வலது கை விரல்களை நம் நெற்றியில் புருவ மத்தியில் உள்ள ஆக்ஞா சக்கரம் மீது வைத்து அழுத்த வேண்டும். இது நம்மிடம் உள்ள தீய சக்திகளை விரட்டும். அதோடு தெய்வ சன்னதிகளில் இருந்து
வரும் அருள் அதிர்வலைகளை மிக எளிதாக நமக்குள் கிரஹிக்க செய்யும்.
எனவே கோவிலுக்கு செல்லும் போது படிகளை வலது கையால் தொட்டு, உங்கள் புருவ மத்தியில் சற்று அழுத்தம் கொடுத்துப் பாருங்கள். அது உங்களை புது மனிதனாக்கி, புத்துணர்ச்சியுடன்
கோவிலுக்குள் செல்ல வைக்கும்.
__________________________________________________

04.பூஜையில் போது மணி ஒலியெழுப்புவதன் தத்துவம் என்ன?
பூஜையில் மெதுவாக அடித்தால் அர்க்ய
பாத்யதிகள் சமர்ப்பிக்கப்படுகிறது என்று அர்த்தம். கணகணவென்று அடித்தால் தூபம், தீபம் ஆகிறது என்று அர்த்தம். 2 பக்கமும் விசேஷமாக அடித்தால் திருமஞ்சனம் நடக்கிறது என்று அர்த்தம். மெதுவாக அடித்தால் பகவான் அமுது செய்கிறான் என்று அர்த்தம். மணியின் தொனியை வைத்தே கோவிலில் என்ன நடக்கிறது என தெரிந்து கொள்ளலாம். மணியை வலது கையில் எடுத்து, இடது கையில் மாற்றிக்கொண்டு கற்பூர ஆரத்தித் தட்டை எடுக்க வேண்டும். பிறகு இடது கையிலிருந்து , வலது கைக்கு மாற்றிக் கொண்டு கீழே வைக்க வேண்டும். இடது
கையால் மணியை எடுக்கவே கூடாது. கண்டை என்பது சாமான்யமல்ல. அதில் பிரணவம் த்வனிக்கிறது. தேவதைகளை வரவழைக்கிறது, துஷ்டப்ரக்ருதிகளை ஓட்டுகிறது. பகவானுக்கு அமுது காணும்போது நிசப்தமாக இருக்க வேண்டும். அமங்கலமான பேச்சுகள் காதில் விழக்கூடாது. மணி அடித்தால் அவை காதில் விழாது.
__________________________________________________

05.கோயிலில் சுவாமிக்கு தேங்காய் படைப்பது ஏன்?
தேங்காயில் இருக்கும் இளநீர் உலக ஆசைகளைக் குறிக்கும். அதன் கெட்டியான ஒட்டை நம்பி தண்ணீர் இருப்பது போல, நமது உடலும் நிலையானது என்று எண்ணுகிறோம். முற்றின தேங்காயில் நீர் வற்றிவிடுவது போல, ஆன்மிக சிந்தனை நம்முள் வளர உலக ஆசைகள் ஒருபோதும் தீண்டுவதில்லை. தண்ணீர் வற்றியபின், தேங்காய் கெட்டுப்போகாமல் காய்ந்து
விடும். அதுபோல ஆசைகளைத் துறந்தவனும் பக்குவநிலை பெறுகிறான். முதிர்ந்த தேங்காய் இறைவனுக்குப் படைக்கப்படுவதைப் போல பக்குவ ஆன்மாக்களையும் கடவுள் ஏற்று அருள்புரிகிறார்.
__________________________________________________

06.வீட்டில் துளசி மாடம் வைத்து வணங்குவது ஏன்?
தாவர இனங்களில் துளசி மிகவும் மருத்துவ சக்தி வாய்ந்தது. பொதுவாக தாவரங்கள் காற்றில் உள்ள கார்பனை ஆக்ஸிஜனை எடுத்துக்கொண்டு ஆக்ஸிஜனை வெளியிடும் என்பது நமக்கு தெரியும், ஆனால் துளசிச் செடி மற்ற தாவரங்களை விட மிக அதிகமாக
ஆக்ஸிஜனை வெளியிடும் தன்மை கொண்டது. சுற்றுச்சூழலில் உள்ள
காற்று மண்டலத்தையே சுத்தப்படுத்தும் தன்மை கொண்டது. இதனாலேயே ஒவ்வொரு வீடுகளிலும் ஆக்ஸிஜனை அதிகம் வெளியிடும் துளசியை நட்டு வளர்த்து அதிகாலை வேளையில்
அதைச்சுற்றி வந்து வழிபடும் முறையை வைத்துள்ளனர்.

அதிகாலை 3 முதல் 5 மணி வரை பிரம்ம முகூர்த்தம்  என்று சொல்லுவார்கள். இந்த வேளையில் தான் இயற்கையின் அத்தனை அம்சங்களும் மிகவும் புதிதாகச் சுத்திகரிக்கப்பட்டதைப் போல இருக்கும். அதாவது இந்த நேரத்தை தான் ஒசோன் அதிகமிருக்கும் நேரம் என்று இன்றைய அறிவியலாளர்கள் கூறுகிறார்கள், இயற்கையாகவே காற்றில் ஆக்ஸிஜன் அதிமாக இருக்கும் நேரமான அதிகாலை வேளையில் துளசிச்செடியைச் சுற்றி வந்தால் அதிக சுத்தமான ஆக்ஸிஜனை சுவாசிக்கலாம்.
__________________________________________________

07.விளக்கேற்றுவதன் தத்துவம் என்ன?
சுடருக்குத் தன்னை சுற்றி உள்ள தேவையற்ற கதிர்களை (நெகட்டிவ் எனர்ஜியை) ஈர்க்கும் சக்தி உண்டு. அவ்வாறு ஈர்க்கும் போது, நம்மைச் சுற்றிப் சிட்டிவ் எனர்ஜி அதிகரிக்கும்.
நம் சுற்றுப் புறம் தெளிவாகவும் பலத்தோடும் காணப்பெறும்.

__________________________________________________

08.கோயில் கருவறையில் மட்டும் விளக்கேற்றுவது ஏன்?
கருவறையில் இறைவனுக்கு கோவில் அர்ச்சகர் தீபாராதனை செய்யும்போது, அந்த ஒளியின் மூலம் தெய்வத்தின்
திருவுருவம் பக்தருடைய மனதில் பதிந்துவிடுகிறது. அதன் மூலம் நாம் செய்யும் அனைத்துக் காரியங்களிலும் தெய்வத்தின் தொடர்பு உண்டாகி நம்மை வழிநடத்தும். நம்முள் இருக்கும் ஆன்ம சக்தியைப் பெருக்கி, நமக்கு ஆனந்த நிலையை அளிக்கும் ஆற்றல் மூலவருக்குச் செய்யும் தீபாராதனைக்கு உண்டு. திருவிளக்குகள் வெளிச்சம் மட்டும் தருவதில்லை ; அதன் ஒளிக்கதிர்களின் இறை சாந்நித்தியம், சுற்றுப்புறச் சூழ்நிலைகளில் உள்ள தீய சக்திகளை விலக்கி இறையருளை வியாபிக்கச் செய்யும்.
__________________________________________________

09.மலையில் முருகன் கோவில் அமைந்தது ஏன்?
முருகன் என்ற சொல்லுக்கு அழகு என பொருள். அழகெல்லாம் முருகனே என்று சொல்வது    இதனால்    தான்             முரு கனுக்குரிய கோவில்களையும் இயற்கை அழகு நிறைந்த மலைகள் மீது கட்டினர். ஒளிதரும் சூரியன் கடலில் எழுந்து வருவது எவ்வளவு அழகோ, அதுபோல, நீலமயில் மீது பவனி வரும் முருகனும்
அழகாக இருப்பதாக, முருகனை சூரியனுக்கு ஒப்பிடுகிறார் நக்கீரர்.
அழகு என்பதை முருகு என்பர். மு என்பது விஷ்ணு, ரு என்பது சிவன், கு என்பது பிரம்மாவை குறிக்கும், எனவே, முருகனை வழிபட்டால் ஒரே நேரத்தில் மும்மூர்த்திகளையும் வழிபட்ட பலன்
கிடைக்கும்.
__________________________________________________

10.ஆலயத்தில் எந்த திசையில் விழுந்து வணங்குவது நல்லது?
கிழக்கு, மேற்கு நோக்கிய சன்னதிகளில், வடக்கே தலை வைத்தும்: தெற்கு, வடக்கு நோக்கிய சன்னதிகளில், கிழக்கே தலை வைத்தும் வணங்க வேண்டும். நாம் கால் நீட்டும்
பின்புறத்தில் எந்த சன்னதியும் இருத்தல் கூடாது: கொடி மரத்தின் முன் விழுந்து வணங்கினால், அங்கு எந்த தெய்வ
சன்னதியும் இருக்காது. எனவே இங்கு மட்டுமே விழுந்து , வணங்க வேண்டும் என்று வகுத்துள்ளனர் நம் முன்னோர்.
__________________________________________________

11.கோவில்களில் எதற்காக அர்ச்சனை செய்யும் முன் தேங்காய் வாழைப்பழம் வைத்து படைக்கிறோம்?
எல்லா தெய்வங்களுக்கும் தவறாமல் வாழைப்பழம் படைக்கிறார்கள். மற்ற எந்தப் பழமாக இருந்தாலும் சாப்பிட்டுவிட்டு, விதையை எறிந்தால் மீண்டும் முளைக்கும். ஆனால், வாழைப்பழத்தை                          உரித்தோ,  முழுமையாகவோ வீசினாலும் கூட மீண்டும் முளைப்பதில்லை. இது பிறவியற்ற நிலையாகிய முக்தியைக் காட்டுகிறது. எனது இறைவா! மீண்டும் பிறவாத நிலையைக் கொடு! என வேண்டவே நாம் நமது கடவுளுக்கு வாழைப்பழம் படைக்கிறோம். 

அதுபோல் தேங்காய்க்கும் அந்த குணம் உண்டு. அது மட்டுமல்ல தேங்காய், வாழைப்பழம் இரண்டும் நமது எச்சில் படாதவை. மாம்பழத்தை நாம் சாப்பிட்டுவிட்டு, விதையைப் போட்டால் அந்த விதையிலிருந்து மாமரம் உருவாகிறது. ஆனால், தேங்காயை சாப்பிட்டுவிட்டு விதையைப் போட்டால் அது முளைக்காது.முழுத்தேங்காயிலிருந்து தான் தென்னைமரம் முளைக்கும். அது போல, வாழைமரத்திலிருந்து தான் வாழைக்கன்று வரும். பழம், விதை என்பது கிடையாது.

அப்படி நமது எச்சில்படாத இவற்றை இறைவனுக்கு உகந்ததாக நமது முன்னோர்கள் படைக்கும் மரபினை
உருவாக்கினார்கள். நாமும் இந்த மரபினைப் பின்பற்றிவருகிறோம்.
__________________________________________________

12.ஊதுபத்தி ஏற்றுவதன் தத்துவம் என்ன?
ஊதுபத்தி ஏற்றுவது ஈஸ்வரனை
மகிழ்ச்சிப் படுத்துவதற்காக என்று நம் வீட்டில் உள்ள பெரியவர்கள் கூறியிருக்க நாம் கேட்டிருப்போம். அதனுள் மறைந்திருக்கும் உண்மையான பொருளை நாம் ஆராய்ந்து பார்க்க வேண்டும், ஊது பத்தியை கொளுத்தி வைத்தவுடன், அதனிலிருந்து புறப்படும் தெய்வீக மணம் சுற்றுச்சூழலை சூழ்ந்து விடும். அது புகைந்து சாம்பலானாலும், தன்னைச் சுற்றியிருப்பவர்கள்  தான்
மணத்தால் மகிழ்விக்கின்றது   இது  ஒரு தியாக மனப்பான்மையின் வெளிப்பாடு.

ஓர் உண்மையான இறை தொண்டன்,
தன்னுடைய சுய நல குணங்களை
எல்லாம் விட்டொழிக்க வேண்டும்.
பிறருக்காக நன்மை செய்வதில் தன்னை ஈடுபடுத்திக் கொள்ள வேண்டும், மற்றவர்கள் வாழ்க்கையும் மணம் வீச வழி செய்வதே தெய்வீக செயலாகும்.ஊதுபத்தி சாம்பலாகி விட்டால், அதன் மணம் மட்டும் காற்றில் கலந்து விடுகிறது. அதன் மணம் முகர்ந்தவர், அதை தன் நினைவிலே வைத்திருப்பர். அதுபோலத்தான், மற்றவர்களுக்காக நம்மை செய்துவிட்டு அதுபோலத்தான்,

வாழ்ந்து மறைந்தவர்களின் பேரும் புகழும் என்றும் மக்களிடையே

நிலைத்திருக்கும். நம்மைச் சுற்றி இருப்பவர்களுக்கு நன்மை தரும் நல்ல விஷயங்களை கூறுவதும், நல்ல விஷயங்களை அவர்களுக்கு செய்தாலும், அவர்கள் எப்போதும் நல்வாழ்வு பெற வேண்டும் என மனதார நினைப்பதும் மிகப்பெரிய உன்னதமான செயலாகும். இதுபோன்ற குணத்தை தான் ஊதுபத்தி குறிக்கின்றது. இதுபோன்ற குணத்தை உடையவர்கள் தான் ஈஸ்வரனுக்கு மகிழ்ச்சியைத் தருபவர்கள். இதை தான் நம் பெரியவர்கள் அவ்வாறு கூறியுள்ளனர்.

__________________________________________________

13.நமஸ்காரம் செய்வது ஏன்?
நமஸ்காரம் செய்வது இந்துக்களின் உன்னதமான செயற்பாடாகும். பொதுவாக இதை மரியாதை அளிக்கும் சைகையாக பார்க்கின்றனர். ஆனால், நமஸ்காரம் செய்யும் போது இரண்டு கைகளையும் ஒன்று சேர்க்கும் போது, உங்களின் விரல் நுனிகள் அனைத்தும் ஒன்று சேரும். அவைகள் ஒன்றாக அழுத்தும் போது ப்ரெஷர் புள்ளிகள் செயல்பட தொடங்கும். இதனால் அந்த நபரை நீண்ட நாட்களுக்கு மறக்காமல் இருக்க செய்யும்.
__________________________________________________

14.ஆலயமணி உருவாக்கத்தில் உள்ள தாத்பரியம் என்ன?
கோவில் மணிகள் கோவில் மணிகள் சாதாரண உலோகத்தில் செய்யப்படுவதில்லை. காட்மியம், ஜின்க், லெட், காப்பர், நிக்கல், க்ரோமியம் மற்றும் மாங்கனீஸ் போன்ற பல உலோகங்களை கொண்டு செய்யப்படுபவை தான் மணிகள். கோவில் மணியை செய்ய ஒவ்வொரு உலோகத்தையும் சரியான அளவில் கலக்க வேண்டும். அதன் பின்னணியில் இருக்கும் விஞ்ஞானம் என்னவென்று தெரியுமா? மணியை ஒலிக்க செய்யும் போது ஒவ்வொரு உலோகமும் ஒவ்வொரு தனித்துவமான ஒலியாய் எழுப்பும். இது உங்கள் இடது மற்றும் வலது மூளையை இணைக்க செய்யும். அதனால் மணி அடித்த அடுத்த தருணமே, நீண்ட நேரம் ஒலிக்கும் கூர்மையான சத்தம் எழும். இது 7 நொடிகள் வரை நீடிக்கும். மணியில் இருந்து எழும் எதிரொலி உங்கள் உடலில் உள்ள 7 குணமாதல் மையங்களையும் (சக்கரங்கள்) தொடும். அதனால் மணி ஒலித்த உடனேயே, உங்கள் மூளை சில வினாடிகளுக்கு வெறுமையாகி விடும். அப்போது மெய்மறதி நிலையை அடைவீர்கள். இந்த மெய்மறதி நிலையில், உங்கள் மூளை சொல்வதை வரவேற்கும் பண்பை பெறும்.
__________________________________________________

15.தரையில் அமர்ந்து உணவு உண்பது ஏன்? 
இந்துமத கலாச்சாரங்களில் முக்கியமானது சம்மணமிட்டு அமர்ந்து சாப்பிடுவது. இப்போதெல்லாம் டைனிங் டேபிள் வீட்டுக்கு வாங்குவது ஒரு அத்தியாவசிய தேவை போல் ஆகிவிட்டது. விருந்தினர்களை அதில் உட்காரவைத்து பரிமாறுவதுதான் நாகரீகம் சௌகரியம் என ஆகிவிட்டது . 
முன்பெல்லாம் வாழை இலையில் தரையில் பரிமாறுவதுதான் கெளரவம். ஆனால் இப்போது டைனிங் டேபிள்....இது சரியா தவறா ? 

முதலில் முன்னோர்கள் இப்படி சம்மணமிட்டு சாப்பிட்டதின் நோக்கமென்ன? சாப்பிடும் பொழுதாவது நாம் காலை மடக்கி அமர்ந்து தான் சாப்பிட வேண்டும். சாப்பிடும் பொழுது காலைத்தொங்க வைத்து அமர்வதனால் ரத்த ஓட்டம் வயிற்றுப் பகுதிக்குச் செல்லாமல் காலுக்கே அதிகமாகச் செல்கிறது. எனவே ஜீரணம் தாமதமாகிறது. காலை மடக்கி சுக ஆசனத்தில் அமர்ந்து சாப்பிட்டால் சாப்பிட்ட சாப்பாடு ஜீரணமாகிவிடும். ஏனென்றால் கீழே ரத்த ஓட்டம் செல்லாமல் முழு சக்தியும் வயிற்றுப் பகுதிக்குச் செல்லும் பொழுது நமக்கு ஜீரணம் நன்றாக நடைபெறுகிறது. எனவே தான் சம்மணமிட்டு அமர்ந்து சாப்பிடும் படி வலியுறுத்தப்பட்டது.
__________________________________________________

16.சூரிய நமஸ்காரம் செய்வது ஏன்? காலையில் சூரியனை வழிபடுதல் விடியற்காலையில் சூரிய பகவானை வணங்கும் வழக்கம் இந்துக்களிடம் உள்ளது. அதற்கு காரணம் விடியற்காலையில் வரும் சூரிய ஒளிகள் கண்களுக்கு மிகவும் நல்லதாகும். மேலும் காலையில் வேகமாக எழுந்திருப்பது உடலுக்கு ஆரோக்கியமானது. 

__________________________________________________

17.இந்து பெண்கள் ஏன் மெட்டி அணிய வேண்டும்? 

கால் வளையங்கள் அணிவது திருமணமான பெண்களின் முக்கியத்துவத்தை மட்டுமல்ல, அதன் பின்னணியில் விஞ்ஞானம் இருக்கிறது. பொதுவாக கால் வளையங்கள் இரண்டாவது பெருவிரலில் அணியப்படும்.

இரண்டாவது உள்ளங்கால் வரை ஒரு குறிப்பிட்ட நரம்பு கருப்பையை இணைக்கிறது. இந்த விரலில் கால் வளையம் அணிவது கருப்பையை வலுப்படுத்துகிறது. அது இரத்த ஓட்டத்தை ஒழுங்குபடுத்துவதன் மூலம் அதை ஆரோக்கியமாக வைத்திருக்கும் மற்றும் மாதவிடாய் சுழற்சி ஒழுங்குபடுத்தப்படும். சில்வர் ஒரு சிறந்த கடத்தியதால், அது துருவ ஆற்றலை உறிஞ்சப்படுகிறது
__________________________________________________

18.பெண்கள் ஏன் நெற்றியில் பொட்டு வைக்க வேண்டும்? 
பொட்டு ஒவ்வொரு பெண்ணும் நெற்றியில் குங்குமம் அணிவது வாடிக்கையான ஒன்றே. நெற்றியில் தான் ஆட்ன்யா சக்கரம் இருப்பதாக கூறப்படுகிறது. அதனால் நெற்றியில் பொட்டு வைக்கும் போது இந்த சக்கரம் தானாக செயல்பட தொடங்கி விடும். இது உடலில் உள்ளல ஆற்றல் திறனை இழக்க விடாமல் செய்யும். மேலும் புத்தி ஒருமுனைப்படுதலை மேம்படுத்தும்.
__________________________________________________

19.கோபுர கலசத்தில் தானியம்
நிரம்புவது ஏன்? / பனிரெண்டு வருடங்களுக்கு ஒருமுறை குடமுழுக்கு விழா ஏன் செய்ய வேண்டும்? / முற்காலத்தில் ஊரில் கோயில் கோபுரத்தை விட உயரமாக எந்தக் கட்டிடமும் இருக்கக் கூடாது என்று ஒரு எழுதாத சட்டம் இருந்தது. என்ன காரணம்?
நெல், கம்பு, கேழ்வரகு, திணை, வரகு, சோளம், மக்காச்சோளம், சாமை, எள் ஆகியவை கோபுர கலசத்தில் இருக்கும், குறிப்பாக வரகு தானியம் அதிகமாக இருக்கும். காரணம் என்னவென்றால் வரகு மின்னலை தாங்கும் அதீத ஆற்றல் பெற்றது என அந்த காலத்திலேயே அறிந்து வைத்துள்ளார்கள். இந்த நுட்பம் மிகவும் சரியான விஷயம் என இப்போது உள்ள அறிவியல் கூறுகிறது.

இயற்கை சீற்றத்தினால் விவசாயங்கள் அழிந்து போனாலும் மீண்டும் விவசாயம் செய்ய தானியங்களை கோபுர கலசத்தில் இருந்து எடுத்து பயன்படுத்தலாம். இந்த தானியங்களின் திறன் 12 வருடங்கள் வரை தாக்கு பிடிக்க கூடியது அதற்கு பிறகு தானியங்கள் தன் சக்தியை இழந்து விடும் என்பதால் தன் சக்தியை பனிரெண்டு வருடங்களுக்கு ஒருமுறை குடமுழுக்கு விழா என்ற பெயரில் கலசங்களில் இருக்கும் பழைய தானியங்கள் நீக்கப்பட்டு புதிய தானியங்கள் நிரப்பபடுகிறது.
__________________________________________________

20.கருங்கல்லில் தெய்வ சிலைகள் வடிப்பது ஏன்?
ஆகம விதிகளின் படி கருங்கல்லால் கட்டப்பட்ட பழங்காலக் கோவில்களிலும் வேத , ஆகம , சிற்ப சாஸ்திர முறைப்படி , யந்திர ஸ்தாபனம் செய்து, தெய்வ உருவங்களை கருங்கல் சிலையாக பிரதிஷ்டித்து தினமும் முறையாக பூஜை செய்து வரும் கோவில்களுக்கு நாம் சென்று தரிசனம் செய்யும் வேளையில்,நம் உடலில் ஓர் சக்தி ஊடுருவிச் செல்வத்தை அனுபவ பூர்வமாக பலர் உணரலாம்.

ஆகவே தான்,பெரும்பாலும் சிலைகளை கருங்கல்லில் வடிவமைக்கிறார்கள். பெரும்பாலும் தெய்வ சிலைளை உலோகங்களில் செய்யாமல், கருங்கல்லால் சிலை செய்கிறார்கள். அதற்கு முக்கியமான காரணம் உண்டு.

உலோகத்தின் ஆற்றலை விட கருங்கல்லின் ஆற்றல் பல மடங்கு அதிகமானது. எந்த சக்தியையும் தன் வசம் இழுத்துக் கொள்ளும் தன்மை உடையது கருங்கல்.இதில் நீர்,நிலம், நெருப்பு, காற்று, ஆகாயம் எனும் பஞ்ச பூத தன்மைகள் அடங்கியுள்ளது.இது வேறு எந்த உலோகத்திலும் வெளிபடுவது இல்லை.

• நீர் - கல்லில் நீர் உள்ளது.எனவே தன் தனது இயல்பான குளிர்ந்த நிலையிலிருந்து மாறாமலிருக்கிறது.கல்லில் நீருற்று இருப்பதை காணலாம்.
• நிலம் - பஞ்ச பூதங்களில் தத்துவங்களில் ஒன்றான நிலம் உள்ளது.எனவே கல்லில் செடி கொடிகள் வளர்கின்றன.
• நெருப்பு - கல்லில் நெருப்பின் அம்சமும் உண்டு.கற்களை உரசினால் தீப்பொறி பறக்கிறதே சான்று.
• காற்று - கல்லில் காற்று உண்டு.எனவே தான் கல்லில் தேரை கூட உயிர் வாழ்கிறது.
• ஆகாயம் - ஆகாயத்தைப் போல் , வெளியிலிருக்கும் சப்தத்தை தனக்கே ஒடுக்கி பின் வெளியிடும் சக்தி கல்லுக்கு உண்டு.

எனவே தான் கருங்கல்லில் கட்டப்பட்ட கோவில்களில் நாம் கூறுவதை எதிரொலிக்கும் அதிசயம் நடக்கிறது. திருவையாறு ஐயாரப்பன் கோவிலில் நாம் பேசுவது அப்படியே எதிரொலிப்பதை நாம் ஆனந்தமாக கேட்டு மகிழலாம். இக் காரணங்களினால், இறை வடிவங்களை பஞ்ச பூதங்களின் (ஐம் பூதங்களின்) வடிவில் இருக்கும் கருங்கல்லில் வடிவமைத்து வழிபாடு செய்கிறோம்.

அபிஷேகம்,அர்ச்சனை,ஆராதனைகள் முறைப்படி செய்யும் போது , ஒரு கோவிலின் பஞ்சபூதங்களின் தன்மை அதிகரிக்கின்றன. அக்கோவிலில் நாம் வணங்கும்போது , நம் உடலில் நல்ல அதிர்வுகள் உண்டாகி , அதன் மூலம் நம் வாழ்வில் நல்ல பலன்கள் உண்டாகின்றன.
__________________________________________________

21.நெற்றியில் திருநீறு அணிவதால் என்ன நன்மை கிடைக்கும்?
நெற்றியில் திருநீறு தரித்துக் கொள்வது உயர்ந்த தத்துவத்தை விளக்குகிறது. நாடாண்ட மன்னனும், மாசறக் கற்றவரும் கடைசியில் சாம்பலாகத் தான் போகப் போகிறோம். இந்த வாழ்க்கை மாயமானது என்பதை விபூதி உணர்த்துகிறது. பிறக்கும்போதும் மண்ணிலே பிறந்தோம். சாகும்போது மண்ணிலே தான் சாகப் போகிறோம். மண்ணிலே பிறந்த மரம் இறுதியில் மண்ணிலேயே மட்கி மண்ணோடு மண்ணாகத் தான் போகிறது.

நம்மை முடிவில் அடக்கிக் கொள்ளப் போகிற தத்துவம் அதுதான். இதை நினைவுபடுத்திக் கொள்ளவே, நெற்றியில் விபூதி அணிகிறோம். மனித உடலில் நெற்றி என்பது மிக முக்கிய பாகம், அதன் வழியாக மிக அதிக மாக சக்தி வெளிப்படும், உள்ளிழுக்கவும் செய்யும். இது ஒரு வர்ம ஸாதனம் கூட. சூரிய கதிர்களின் சக்திகளை இழுத்து நெற்றி வழியாக கடத்தும் வேலையை திருநீறு செவ்வனே செய்யும், அதனால்தான் நெற்றியில் திருநீறு பூசுகிறார்கள்.
__________________________________________________

22.திருமணத்தின் போது அக்னியை சுற்றி ஏழு அடிகள் நடப்பதன் காரணம் என்ன?
சம்ஸ்கிருதத்தில் இதை'சப்தபதி'என்று கூறுவார்கள். அதாவது ஏழு அடிகள் மாப்பிள்ளையும் மணப்பெண்ணும் சேர்ந்து நடந்து வருவதாகும். அவ்வாறு ஏழு அடிகள் நடக்கும் போது மாப்பிள்ளை பெண்ணிடம் இறைவன் உனக்கு துணையிருப்பான் என்று கீழ்கண்டவாறு தனது பிரார்த்தனையைச்சொல்கிறான்!

1. முதல் அடியில் - பஞ்சமில்லாமல் வாழ வேண்டும். 
2. இரண்டாம் அடியில் - ஆரோக்கியமாக வாழ வேண்டும். 
3. மூன்றாம் அடியில் - நற்காரியங்கள் எப்பொழுதும் நடக்க வேண்டும். 
4. நான்காவது அடியில் - சுகத்தையும் , செல்வத்தையும் அளிக்க வேண்டும். 
5. ஐந்தாவது அடியில் - லக்ஷ்மி கடாக்ஷம் நிறைந்து பெற வேண்டும். 
6. ஆறாவது அடியில் - நாட்டில் நல்ல பருவங்கள் நிலையாக தொடர வேண்டும்
7. ஏழாவது அடியில் - தர்மங்கள் நிலைக்க வேண்டும் என்று பிராப்திப்பதாக சொல்லப்படுகிறது.

இந்த சம்பிரதாயத்தில் மனிதர்களிடம் இருக்கும் மிகவும் சூக்ஷமமான மனோவியல் விடயத்தை இந்து தர்மத்தில் உணர்த்தியுள்ளார்கள் நம் முன்னோர்கள். இரண்டு நபர்கள் ஒன்றாக ஏழு அடிகள் நடந்தால் அவர்களுக்குள் சினேகிதம் உண்டாகும் என்பது சாஸ்திரம். உதாரணமாக நாம் சாலையில் நடக்கும் போது அறிமுகமில்லாத ஒருவரை கடக்கும் போது சில விநாடிகள் ஒன்றாய் நடக்க நேர்ந்தால் நன்றாக கவனியுங்கள். ஏழு அடிகள் நடப்பதற்குள் நாம் அவர்களை வேகமாக தாண்டிவிடுவோம் அல்லது அவர்களை முன்னே போகவிட்டு விடுவோம்.

முழுமையாக ஏழு அடிகள் ஒன்றாக நடக்க மாட்டோம். இரண்டு மனிதர்கள் ஒன்றாக நடக்கும் போது அவர்களுக்குள் நடக்கும் மனோவியல் மாற்றங்கள் ஏழு அடிகளுக்குள்ளாக நடந்து விடும் என்பது ஒரு சூக்ஷமமான விஷயம். இதை மிகவும் நுணுக்கமாக ஆராய்ந்து நம் இந்து தர்மத்தில் அதை ஒரு சம்பிரதாயமாக வைத்திருப்பதை நாம் அனுபவித்து உணர வேண்டும். இந்து தர்மத்தில் எதுவும் மூடநம்பிக்கை இல்லை. பல நுணுக்கமான அறிவியல் மற்றும் மனோவியல் விடயங்கள் நிறைந்தது இந்து தர்மம். இதை வாழ்ந்து தான் தெரிந்து கொள்ள வேண்டும்.
__________________________________________________

23.ஆலயங்களில் காணப்படும் குளங்களிலும் நீர்நிலைகளிலும் நாம் காசுகளைப் (நாணயங்களை) போடுவோம். இப்பழக்கம் தொன்று தொட்டே நம்மிடம் இருக்கிறது. இதற்கான காரணம் என்ன?
அவ்வாறு செய்வதால் ஆகூழ் (அதிர்ஷ்டம்) வந்து சேரும் என்று கூறுவார்கள். உண்மையில் இதன் பின்னால் ஓர் அறிவியல் கூறு மறைந்திருக்கிறது. இப்பொழுது, துருப்பிடிக்காத எஃகால் செய்யப்படும் காசுகள் போல் அல்லாமல், முற்காலத்தில் காசுகள் செம்புகளால் தான் செய்யப்பட்டன. செம்பு நம் உடலுக்கு மிகவும் அவசியமான ஒரு கனிமம் ஆகும். செம்பு தாது குறைபாடால் மூட்டுவலி, மாரடைப்பு என்று பல கோளாறுகள் ஏற்படும். எனவே, நம் முன்னோர்கள் செம்பு காசுகளை குளங்களில் போட்டனர்.

செம்புக் காசுகளில் இருக்கும் செம்பு அணுக்கள் நீருடன் கலக்கும், அதைக் குடிக்கும் மக்கள் உடலுக்கும் செம்பு தாது சேரும். முற்காலத்தில் குளத்து நீர்தான் ஊர்மக்கள் எல்லாருக்கும் குடிநீராகப் பயன்பட்டது என்பது குறிப்பிடத்தக்கது.
இதே பழக்கம் நாளடைவில் பொருளிழந்து தற்பொழுது நாமும் துருப்பிடிக்கா எஃகால் ஆன காசுகளைக் குளங்களில் போடுகிறோம். பின்னர், கனிமநீரை (mineral water) வாங்கி அருந்துகிறோம். செம்பு குடங்களில் நீரைப் வைத்து அருந்துவது சிறப்பு. செம்பு நீர், புற்றுநோயைத் தவிர்க்கும் பண்புடையதாக அறிவியல் உலகம் கூறுகிறது.
__________________________________________________

24.மங்கள ஆரத்தி எடுப்பது ஏன்? 
தமிழர் பின்பற்றும் கலாச்சாரத்தின் அறிவியல் பூர்வ நன்மைகள்...!
தமிழர் பாரம்பரிய நடவடிக்கைகளில் முக்கியமானது, ஆரத்தி எடுக்கும் நடைமுறை. ஆரம்ப காலத்தில் இருந்து இன்று வரை பின்பற்றப்படும் இந்த நடைமுறை வெறும் சடங்குக்காக செய்யப்படுவதில்லை. சாதாரண நிகழ்வாக இதை புறக்கணிக்கிறோம். ஆனால் இதில் ஆழமான அர்த்தம், அதுவும் விஞ்ஞான நலன் காணப்படுகிறது. இதில் முக்கியமான கருத்துகள் மறைந்துள்ளது. தூரத்து பயணம் முடித்து வருபவர்களுக்கு புதிதாய் திருமணம் முடித்து வீட்டிற்கு வரும் மணமக்கள், மகப்பேறு முடித்து வீட்டிற்கு வரும் பெண் ஆகியோருக்கு ஆரத்தி எடுக்கும் நடைமுறை வழக்கத்தில் உள்ளது.

ஆரத்தி எடுப்பது என்றால் ஒரு தாம்பாளத் தட்டில் தண்ணீரில் மஞ்சள் அரைத்து சேர்த்து அதில் சிறிது சுண்ணாம்பு சேர்த்து கலக்க வேண்டும். மஞ்சளும் சுண்ணாம்பும் கலந்த தண்ணீருக்கு சிவப்பு நிறம் வருகிறது. இதை ஒரு பரந்த பாத்திரத்தில் எடுத்து அதற்கு இரு பக்கங்களிலும் இரண்டு தீச்சுடர் எழுப்பி சம்பந்தப்பட்ட நபரின் உடலுக்கு சுற்றும் 3 முறை சுற்றி விடுவதையே ஆரத்தி என்று கூறுகின்றோம். ஒவ்வொரு மனிதனைச் சுற்றிலும் ஆரா (aura ) என்ற சூட்சுமப் பகுதி இருக்கிறது. மனிதனுக்கு ஏற்படும் திருஷ்டி மற்றும் அவனைச் சேரும் தீய கிருமிகள் ஆகியவை அந்த சூட்சும பகுதியில் முதலில் பதிந்து பின்னரே அவனுள் புகுகின்றன. திருமணம், குழந்தை பெறுதல், வெற்றியடைதல் ஆகியவற்றால் பலருடைய திருஷ்டி- மணமக்கள், தாய்-சேய், வெற்றியாளர் மீது அதிகம் விழவாய்ப்பு கூடுதலாக உள்ளது.

மஞ்சள் மற்றும் சுண்ணாம்புக்கு கிருமிகளை அழிக்கும் திறனுண்டு என்பதை நாம் கண்டறிந்துள்ளோம். அந்த நபரின் மேல் வந்து சேர்ந்திருக்கும் விஷ அணுக்களை அழிப்பதே ஆரத்தியின் உத்தேசம். ஆரத்தி எடுப்பதன் மூலம் நம் உடலில் சேரும் விஷ அணுக்களை அழித்து நம் நலன் பேணுவதோடு பிறருக்கும் அந்த விஷகிருமிகள் பரவாது தடுக்கிறது.வீட்டினுள் நுழையும் முன்பே 'ஆரா' சரீரத்தில் சேர்ந்துள்ள திருஷ்டி மற்றும் கிருமிகளை அகற்றி தூய்மைப்படுத்திய பின்னரே சம்பந்தப்பட்டவர்களை வீட்டுக்குள் அழைத்துக் கொண்டு போகும் வழக்கம் உள்ளது. எனவே அது போல் ஆரத்தி எடுக்கும் போது பொருள் அறிந்து சரியான பாவனையுடன் செய்வது முக்கியம். அப்போது தான் அதன் பலனும் முழுமையாக இருக்கும்.
__________________________________________________
25.வாகனங்களுக்கு முன்னால் எலுமிச்சம்பழம், மிளகாய் கட்டுவது ஏன்?
வாகனங்களுக்கு முன்னால் எலுமிச்சம்பழம், மிளகாய் கட்டும் பழக்கம் மூடநம்பிக்கை இல்லையென்று இன்றைய விஞ்ஞானம் சொல்கிறது.
எலுமிச்சம் பழத்தில் உள்ள சிட்ரோனிக் அமில்கா (Cidronic amilga) என்னும் அமிலமானது மிளகாயில் உள்ள பென்னியோசிட் (Benniyocid) என்னும் காரத்துடன் இரசாயனப் பகுப்பாகி, மிதீரியட் (methiriyed) என்னும் ஒருவகை உந்து வாயுவை வெளியிடுகிறது. அந்த வாயுவை வாகனத்தின் பானட்டில் இருந்து ஸ்டியரிங் வரை செல்லும் எத்ஹோயிட் (Ethgoid) என்னும் கலப்பு மூலகத்திலான உலோகக்கம்பி வாகனத்தின் உட்பகுதிவரை கடத்துகிறது.

அந்த வாயுவானது ஓட்டுனரை நித்திரை கொள்ளாமலும், உற்சாகத்துடனும் இருக்கச் செய்வதுடன், பிரேக் ஆயிலையும் வற்றாமல் பாத்துக் கொள்கிறது. இதில் இன்னொரு ஆச்சரியமான விஷயம் என்ன வென்றால், இந்த வாயுவானது மேற்சொன்ன இரசாயனப் பகுப்பால் ஒரு வாரம் மட்டுமே கிடைக்கிறது. அதனால் தான் வாராவாரம் வெள்ளிக்கிழமைகளில் ஏற்கனவே கட்டப்பட்டவை அகற்றப்பட்டு புதிதாகக் கட்டப்படுகின்றது..!

வெள்ளிக்கிழமைகளில் இதனைச் செய்வதற்கும் ஒரு காரணம் இருக்கிறது. பூமியானது சூரியனுக்கும் சுக்கிரனுக்கும் இடையில் வடமத்திய ரேகையில் கடக்கக் கோட்டுக்கு தெற்கே 5 டிகிரி மேல்நோக்கி ஏறி, 3 டிகிரி கீழ்நோக்கி இறங்குவதால் இந்த இரசாயன பகுப்பு அதிகம் நடக்கிறது ..!!!

நம் முன்னோர்கள் மூடர்கள் அல்ல..! விஞ்ஞான அடிப்படையில் தான் செயல்பட்டிருக்கிறார்கள்..!
__________________________________________________

26.திருமண அழைப்பிதழ்களை கையில் கொடுக்காமல் தாம்பூலத்தட்டுகளில் வைத்துக் கொடுப்பது எதனால்?
திருமணவழைப்பிதழ்கள் மட்டுமல்ல.
ஒருவர் இன்னொருவரிடம் பொருள் ஒன்றை கடனாகக்கொடுக்கையில்
தட்டில் வைத்துத்தான் கொடுப்பார்கள்.
அரிசி, நெல்  முதலானவற்றை
கொடுக்கையில் முறத்தில் வைத்துத் தான் கொடுப்பார்கள்.

பணமாயிருந்தால் தட்டு. இது எதனால் என்றால், கொடுப்பவரும் வாங்குபவரும் பொருளாதார அளவில் மேல்கீழாய் இருந்தாலும் அந்த வேற்றுமை மனதிலில்லை என்பதை காட்டுவற்காகவே. வெறுமனே கையால் கொடுத்தால், கொடுப்பவர் கை மேலும்
வாங்குபவர் கை கீழுமிருக்கும்.
இப்படிப்பட்ட ஏற்றத்தாழ்வுகள்
நம்மவர்களின் மனதுள் தோன்றக் கூடாதென்பதற்காகவே எப்பொருளை கொடுத்தாலும் தட்டில் வைத்துக் கொடுப்பதை பழக்கமாகக் கொண்டிருந்தனர் நம் முன்னோர்கள். இதே முறைதான் ஒருவரை அழைப்பதிலும் இன்று வரை கடைபிடிக்கப்படுகிறது.
__________________________________________________

27.மணமக்களை வாழ்த்தும் போது அக்ஷதை இடுவது ஏன்?
அக்ஷதை என்பதை அ+க்ஷதா என்று பிரித்து பொருள் காண வேண்டும். க்ஷதா என்றால் அழிதல் அல்லது குறைதல். அ என்பதுடன் சேர்த்து சொல்ல இல்லாதது என பொருள் தரும்.
அதாவது அழிவில்லாதது, குறை வில்லாதது என்று பொருள்.

குறைவின்றி நீண்ட ஆயுளுடன் மணமக்கள் வாழ அக்ஷதையிட்டு
வாழ்த்துகின்றேன்.
__________________________________________________

28.காகத்திற்கு உணவிடுவது ஏன்?
நாம் உணவு உண்ணும் முன் காகத்துக்கு ஒரு பிடி உணவு வழங்க வேண்டும். காரணம், நம்முடைய முன்னோர்கள் காகத்தின் வடிவில் வருவதாக ஒரு நம்பிக்கை இருக்கிறது. அவர்களுடைய ஆசியினால் தான் நாம் இவ்வுலகில் அமைதியாக, சந்தோஷமாக, நிம்மதியாக வாழ முடிகிறது. எனவே அவர்களுக்கு நன்றி தெரிவிக்கும் பொருட்டு காகத்திற்கு தினசரி உணவிடுகின்றனர். காகத்திற்கு உணவிடும் பழக்கத்தினால் கணவன், மனைவி ஒற்றுமை வளர்ந்து குடும்பத்தில் எப்போதும் அமைதி நிலைக்கும் என்பது நம்பிக்கை.

சனீஸ்வர பகவானின் வாகனமாகையால், காகத்திற்கு உணவளிப்பதன் மூலம் சனி பகவான் தரும் கெடுபலன்களிலிருந்து விடுபடலாம். இறைவனின் பரிபூரண அருளையும், அன்பையும் பெறலாம். இதில் இன்னொரு தத்துவமும் இருக்கிறது. காகத்தை “ஆகாயத்தோட்டி என்பர். இந்தப் பறவை யாருக்கும் கெடுதல் செய்வதும் இல்லை. இது நம்மைச் சுற்றியுள்ள அசுத்தங்களை அடியோடு களைவதாலும் இந்த இனம் காப்பாற்றப்பட வேண்டும் என்பதின் அடிப்படையிலும் உணவிடும் பழக்கம் வந்தது. எப்படியிருப்பினும், ஜீவகாருண்யம் மிக்க புண்ணியச்செயல் இது.
 __________________________________________________

29.சாப்பிடும் முன்பு இலையை சுற்றிலும் தண்ணீர் தெளிப்பது ஏன்?
சாப்பிடும் முன்பு இலையை சுற்றிலும் தண்ணீர் தெளிப்பது சின்ன எறும்புகளோ பூச்சிகளோ நமக்குத் தெரியாமல் உணவில் விழுந்து உயிர் விடக்கூடாது என்பதற்காகவே.சாப்பிடும் முன் இலையின் ஓரத்தில் கைப்பிடிச் சோறு/சாதம் வைப்பது உணவு தானியங்கள் விளைவிக்கும் போது நமக்குத் தெரியாமல் சின்னச்சின்ன உயிரினங்கள் (புழு,பூச்சிகள்) கொல்லப்பட்டிருக்கும், அவைகளுக்கு வைக்கப்படும் பிண்டம் தான் அந்த கைப்பிடிச் சாதம். அந்தச் கைப்பிடிச் சாதம் பிற உயிர்களுக்கும் உணவாக வேண்டும் என்ற உயிரிய ஜீவகாருண்ய நோக்கமே.

இப்படி எல்லா உயிரினங்களையும் மதிப்பதே நம் பண்பாடு.

உணவு உண்ண ஆகாத திசை வடக்கு,மற்ற திசைகளில் உண்பதால் நன்மையே. ஒவ்வொரு திசைக்கும் ஒரு பலனுண்டு. 

• கிழக்கு- ஆயுள் விருத்தி. 
• மேற்கு - செல்வவளம். 
• தெற்கு- புகழ்.
• வடக்கு- நோய் உண்டாகும்.

__________________________________________________

30.வெறும் காலில் நடப்பதை ஏன் இந்து மதம் ஊக்குவிக்கிறது?
வெறும் காலில் நடப்பது மிகவும் உத்தமம் என்று இந்து மதம் தொன்று தொட்டே கூறி வருகிறது. சபரி மலை செல்லும் சுவாமி ஐயப்ப பக்தர்கள் விரதமிருக்கும் காலம் முழுவதும் வெறும் காலோடே நடப்பர். வெறும் காலில் கரடு முரடான பாதையில் நடப்பதால், காலின் பகுதிகளில் உள்ள நரம்புகளும் முடிச்சுகளும் தூண்டப் பெற்று உடலின் பல்வேறு பாகங்கள் ஊக்கப் படுத்தப் படுகின்றன. இது ஒருவகையான இயற்கை மருத்துவம். இதை உணர்ந்த ஆன்றோர்கள் செல்லும் இடமெங்கும் வெறும் காலோடு சென்று வீடு திரும்பியவுடன் முறையாக சுத்தம் செய்தனர்.
__________________________________________________

31.கற்பூரம் ஏற்றுவது ஏன்? 
கற்பகிரகத்தில் இருக்கும் கடவுளின் சிலை, புகை மற்றும் எண்ணெயால் மாசு பட கூடாது என்பதற்காக விளக்கினால் தான் ஒளியேற்ற பட்டிருக்கும். இதனால் கடவுளை வணங்கும் போது கற்பூரம் ஏற்றுவதால் கடவுளின் முகம் இருள், நீங்கி பிரகாசமாக தெரியும்.

மேலும் கற்பகிரகத்தை போல் நம் உள்ளம், இருள் நீங்கி ஒளி பெற வேண்டும் என்றும் பொருள்படும்.
__________________________________________________

32.திருமணம் போன்ற சுப நிகழ்வு நடக்கும் வீட்டுக்கு வாசலில் வாழை மரம் கட்டுவது ஏன்? 
திருமணம் போன்ற சுப நிகழ்வு நடக்கும் வீட்டுக்கு அடையாளமே வாசலில் வாழை மரம் கட்டுவது தான். வாழை மரம்போல் வாழையடி வாழையாக தழைத்து வாழ வேண்டும் என்பதற்காக
மட்டும் இல்லை அறிவியல் காரணமும் இதற்கு உண்டு. தாவரங்கள் காற்றில் இருக்கும் கார்பன்டை ஆக்ஸைடை
எடுத்துக் கொண்டு ஆக்சிஜனை பரவச் செய்கின்றன. சுப நிகழ்வுகள்
ஏராளமான விருந்தினர்கள் வருவார்கள். அவர்கள் விடும் மூச்சு காற்றில் உள்ள கார்பன் டை ஆக்ஸைடு காற்றில் கலக்கும். அனைவரும் வெளியிடும் மூச்சுக்காற்று சூழ்ந்து மூச்சடைப்பு ஏற்படும், உஷ்ணம் அதிகரிக்கவும் வழிவகுக்கும், ஆனால், இந்த வாழை மரமானது அவர்கள் வெளியிடும்
கார்பன்டை ஆக்ஸைடு வாயுவை உறிஞ்சி, அங்கு ஆக்ஸிஜன் அளவு
குறையாமல் பார்த்துக் கொள்ளும். உஷ்ணத்தையும் தணிக்கும். இதுவே வாழை மரம் கட்டுவதன் காரணம்.
__________________________________________________

33.உள்ளங்கையில் விழிப்பது ஏன்?
விரல் நுனியில் லட்சுமியும், நடுவில் சரஸ்வதியும், கரங்களின் அடிப்பகுதியில் துர்க்கையும் குடி கொண்டிருப்பதாக சாஸ்திரங்கள்
சொல்கின்றன. எனவே கல்வி, செல்வம்,
வீரம் ஆகிய மூன்றுக்கும் அதிதேவதை
வீற்றிருக்கும் உள்ளங்கையைப் பார்த்தாலே எல்லா நாட்களும் இனிய நாட்களாக அமையும்.
__________________________________________________

34.திருமண வீடுகளில் தாலி கட்டும் போது கெட்டி மேளம் ஒலிக்கச் செய்வது ஏன்?
திருமணத்தின் போது தாலி கட்டுவது தான் முத்தாய்ப்பான நிகழ்ச்சி. அந்நேரத்தில் பலரும் பல விஷயங்களை அளந்து கொண்டிருப்பார்கள். அதில் கெட்டதும் இருக்கலாம். அந்த சப்தத்தை யெல்லாம் அடக்கும் வகையில், சப்தமாக மேளம் வாசிக்கும் போது, கவனம் மணமேடை பக்கம் திரும்பி விடும்,
அப்போது அட்சதை தூவி மணமக்களுக்கு ஆசியளிக்க வேண்டும்
என்பதற்காக கெட்டிமேளம் முடக்கப்படுகிறது.
__________________________________________________

35.தலையில் பூ வைப்பதால் கிடைக்கும் நன்மைகள் யாவை? 

• பூக்களில் உள்ள பிரான ஆற்றலானது. மூளை செல்களால் ஈர்க்கப்பட்டு,நாளமுள்ள மற்றும் நாளமில்லா சுரப்பிகளின் இயக்கத்துக்கு உதவுகிறது. இந்த பிராண ஆற்றலானது. மனதின் எண்ண ஓட்டங்களை சீராக்கி, மனம், அமைதி பெற செய்வதுடன், உடலுக்கு புத்துணர்வையும் கொடுக்கிறது.
• பூக்களை காதின் மேல் மற்றும் கீழ் புறத்துக்கு நடுவில் தான் வைக்க வேண்டும் உச்சந்தலை மற்றும் கழுத்து பகுதிகளில் படும் படி வைக்கக்கூடாது. 
• மணமுள்ள பூக்கள், வாசனை இல்லாத பூவுடன் சேர்க்கவும் கூடாது; அது, கூந்தலின், வளர்ச்சியை குறைக்கும். 
• நோய் தீர்க்கும் பூக்கள்,தலை சுற்றல், கண்றோவிய, ரோஜா குணப்படுத்துவது டன், சரும பராமரிப்பு,முக அழகு மற்றும் நிறத்தை கூட்டும்.
• மல்லிகை, மனஅமைதிக்கு உதவும். கண்களுக்கு குளிர்ச்சி தரும்,
• பாதிரிப்பூ, காது கோளாறு. செரிமானக் கோளாறு, காய்ச்சல், கண் எரிச்சல்சரிசெய்யும், செண்பகம், வாதத்தை குணப்படுத்தும்
• பார்வைத் திறனை மேம்படுத்தும் செம்பருத்தி தலைமுடி தொடர்பான பிரச்சனைகளை சரிசெய்யும். 
• உடல் உஷ்ணத்தை சீராக்கும், மகிழம்பூ இலை, பல் சம்பந்தமான பிரச்சனைகள்சரியாக்கும். வில்வம், சுவாசத்தை சீராக்க, காச நோயை குணப்படுத்தும்.

__________________________________________________
36.தலையில் தீர்த்தம் தேய்க்கலாமா? 
பெருமாள் கோயிலில் தீர்த்தம் வாங்கி
குடிக்க மட்டுமே செய்ய வேண்டும். அதில் துளசி இலை இருந்தால் ஜலதோஷம் நீங்கும். திருஷ்டி தோஷம் அகலும். வீட்டில் துளசிச்செடி இருந்தாலும் தீயசக்தி அணுகாது. சிலர் குடித்ததும் தலையில் தேய்க்கிறார்கள். எச்சில்பட்ட கையினால் தேய்ப்பது கூடாது.
__________________________________________________

37.சுப நிகழ்ச்சிகளுக்கு வளர்பிறை தேர்ந்தெடுப்பது ஏன்?
நவகிரகங்களில் ஒருவரான சந்திரனே நம் மனதை இயக்குபவர். வளர்பிறையில் சந்திரன் ஆற்றலோடு திகழ்வார். அந்நாட்களில் நிலவின் அமுது காரணங்கள் பூமியில் விழுந்தால், மனம் உற்சாகத்துடன் இருக்கும். உற்சாகமாக இருக்கும்போது, சுப நிகழ்ச்சிகள் குறைவின்றி சிறப்பாக நடந்தேறும் என்பதற்காகவே வளர்பிறையை தேர்ந்தெடுக்கின்றனர்.
__________________________________________________

38.திருமணத்துக்கு பட்டு ஏன் அவசியம்?
பட்டு துணிகளுக்கு இயற்கையாகவே ஒரு குணம் உண்டு. அதாவது பட்டுக்கு எளிதில் சில நல்ல வகையான கதிர்களை தக்க வைத்துக் கொள்ளும். தீய கதிர் வீச்சுகள் (நோயாளிகளின் சுவாசம், ஓசோன் படலத்தில் இருந்து வரும் அசுத்த கதிர்கள் போன்றவற்றை)
தடுத்து உடலுக்கு வலிமை அளிக்கும்.
திருமண வீட்டுக்கு பல தரப்பட்ட நபர்கள் வருகின்றனர். அதில் யார், எப்படி என்று தெரியாது. எனவே தான் மணப்பெண், மணமகனுக்கு , ஆரோக்கியமான வாழ்வு வேண்டும், தொற்று நோய் பரவக் கூடாது என்பதற்காகவே பட்டு அணிகின்றனர்.

இது குறித்து வெளிநாடுகளிலும் தற்போது ஆய்வு நடக்கிறது. கோவில்களுக்கு செல்லும் பொழுது நல்ல கதிர் வீச்சுகள் தக்க வைத்துக் கொள்ளவே அணிகின்றனர்.
இதில் வருத்தம் அளிக்கும் விஷயம் என்னவென்றால், இன்று பலருக்கும் நம் பாரம்பரியம் தெரிவதில்லை . இவை எதுவும் தெரியாமல் பகுத்தறிவு பகலவர்கள் நாகரீகம் என்று தனக்கு தானே புலம்பிக் கொண்டு மற்றவர்களையும் கெடுக்கின்றனர். முன்னோர்கள் செய்த ஒவ்வொரு செயலிலும் விஞ்ஞான ரகசியம், உண்மை பொருளும் கலந்து இருந்தன.
__________________________________________________

39.கங்கையில் நீராடிய புண்ணியத்தை வீட்டில் பெற நாம் என்ன செய்ய வேண்டும்? 
கங்கையில் நீராடிய புண்ணியத்தை வீட்டில், அரை நிமிட நேரத்தில் எளிதாகப் பெற முடியும். தினமும் நீராடும் முன்,

'கங்கே சயமுனே சைவ கோதாவரி சரஸ்வதி நர்மதா சிந்து காவேரி
ஜலேஸ்மின் ஸந்நிதிம் குரு!'

என்னும் மந்திரம் சொன்னால் போதும்.
மந்திரம் சொல்ல முடியாதவர்கள், கங்கை, யமுனை, கோதாவரி,சரஸ்வதி, நர்மதா, சிந்து, காவிரி ஆகிய புண்ணிய நதிகள் இங்குள்ள நீரில் உங்களது புனித தன்மை நிரம்பட்டும்' என்று இதன் பொருளை சொல்லி நீராடலாம். மந்திரம் சொல்லும் போது வலது கை தண்ணீரின் மார்க்க வேண்டும்.
__________________________________________________

40.சிவ ஆலயங்களில் சண்டிகேஸ்வரர் முன் கை தட்டக்கூடாது? 
சிவ ஆலயங்களில் சண்டிகேஸ்வரர் முன் கை தட்டுவது ஒரு பெரிய பாவ செயல் சண்டிகேஸ்வரருக்கு காது கேட்காது என்று சிலர் கூறி வருகின்றனர். ஆனால் அது உண்மையில்லை சண்டிகேஸ்வரர்
சிறந்த சிவபக்தன். அவர் எப்போதும் சிவ சிந்தனையில் தியானத்தில் இருப்பவர்.
சிவனின் சொத்துக்களை பாதுகாப்பவர் எனவே சிவ தரிசனத்திற்கு பிறகு சண்டிகேஸ்வரரை வணங்கும் பொழுது மெதுவாக சத்தம் வராமல் கைகளை துடைத்து கோயில் சொத்து எதையும் நாம் எடுத்துச் செல்லவில்லை என்பதை சண்டிகேஸ்வரர் தியானம் கலையாமல் சொல்ல வேண்டும் இதுவே முறையாகும்.
__________________________________________________

41.கடவுளை எவ்வாறு வணங்க வேண்டும்? 

• சிவன், விஷ்ணு, பிரம்மாவை வணங்கும்போது, தலைக்கு மேல், 12 அங்குல உயரத்திற்கு கைகளை உயர்த்தி, கைகூப்பி வேண்டும். 
• பிற தெய்வங்களுக்கு, தலை மேல் கைகூப்ப வேண்டும். 
• தருவை, நெற்றிக்கு நேர் கைகூப்பி வணங்க வேண்டும். 
• தந்தைக்கும், அரசருக்கும் வாய்க்கு நேர் கைகூப்பி வணங்க வேண்டும். 
• அறநெறியாளர்களை, மார்புக்கு நேர் கைகூப்பி வணங்க வேண்டும். 
• அன்னையை வயிற்றுக்கு நேர் கைகூப்பி வணங்க வேண்டும்.

__________________________________________________

42.கோயில்களில் புறா வளர்க்கப்படுவது எதற்காக?
கோயில்களில் சிலந்தி கூடு கட்டாது. ஒட்டடை என சொல்லப்படும் அசுத்தம் சேராது. மரங்களை துளையிடும் வண்டுகள் வராது, வந்தால் புறாக்கள் இரை ஆகிவிடும். கரையான் வராது
அப்படியே வந்தால் அதுவும் இரையாகி விடும். கற்சிற்பங்கள் சேதப்படுத்தும் சிற்றுண்டிகள் வராது. மீறி வந்தால் அதுவும் புறாக்களுக்கு இரையாகி விடும். வௌவ்வால் உள்ளே வராது, ஆந்தையும் உள்ளே வராது. புறாக்கள்
எழுப்பப்படும் ஓசை அவைகளை விரட்டிவிடும். புறாக்கள் எழுப்பப்படும் ஓசையானது நோயாளிகளை குணப்படுத்தும். கோவில்களில் உள்ள சக்தியை சிதையாமல் அதிகரித்து மனிதனுக்கு தரவல்லது. நமது மூதாதையர்கள் விஞ்ஞானிகள்.. வேற்று நாட்டவர் எண்ணி வியப்படைவதை விடுத்து, நமது மூதாதையர்கள் வழங்கிய பொக்கிஷங்களை பேணி பாதுகாப்போம்.
__________________________________________________

43.கோயில்களில் பலிபீடம் எதற்கு?
மனிதனிடம் ஆணவம், கன்மம், மாயை என்னும் மூவகை அழுக்குகள் உள்ளன. இவை ஆன்மாவை கூடியிருப்பதால் இறை தரிசனம் பெற முடியாது.

பலிபீடத்தை கடந்து செல்லும் போது, மனப்பூர்வமாக இந்த அழுக்குகளை பலியிட வேண்டும் என்பதன் குறியீடு பலிபீடம் கோவிலில் அமைக்கப்பட்டு உள்ளது.
__________________________________________________

44.திருவிழாவில் சுவாமிக்கு குடை, தீவட்டி என பிடிப்பது ஏன்?
சுவாமி புறப்படும் போது மன்னனுக்குரிய மரியாதை, செய்ய
வேண்டும் இதை ''ராஜா உபசாரம்' என்பர். குடை, தீவட்டி, மேளம். பக்தர்களின் வாழ்த்து ஒலியுடன் சுவாமி வீதி வலம் வருவார். அவரின் மங்களகரமான பார்வையால் ஊர் மக்களுக்கு நன்மை உண்டாகும்!
__________________________________________________

45.கோவிலில் உள்ள ராஜ கோபுரத்துக்கும், மற்ற கோபுரங்களுக்கும் வித்தியாசம் உண்டா? 
ஆலயம் புருஷாகாரம் என சிற்ப சாஸ்திரம் கூறுகிறது. அதாவது கோவிலை மனித வடிவாக உருவகப்படுத்தி கொள்ள வேண்டும்.
கருவறை - தலை; மகாமண்டபம் - மார்பு; பிரதான ராஜகோபுரம் - திருவடிகள். திருவடி தரிசனம் மிக உயர்ந்தது
என்பதால் கோபுர தரிசனம் கோடி புண்ணியம் என சொல்கிறோம்.
எனவே ராஜகோபுரம் என்பது தனிநிலை. மற்ற வாசல்களில் உள்ள கோபுரங்கள் கோவில் அமைப்பை பொறுத்தே அமையும். இவைகளுக்கு தனித்தனி சிறப்பு இருந்தாலும், எல்லா கோயில்களிலும் இவை இருப்பதில்லை.
__________________________________________________

46.மாவிலைகளை வீட்டில் கட்டுவதற்கானக் காரணம் என்ன? 
வீட்டிலுள்ளவர்கள், எந்த நேரத்திலும் மிகுந்த ஆரோக்கியத்துடன் இருக்க வேண்டும் என்பதற்காக, நமது முன்னோர்கள் பல வழிகளைக் கூறிச் சென்றுள்ளார்கள். அதில் ஒன்று,      வீட்டு முன்றலில் மாவிலைகளைக் கட்டுவதாகும். வீட்டில் நுழையும் துர் தேவதைகளை வீட்டிற்கு வராமல் தடுக்கும் வல்லமை மாவிலைக்கு உண்டு.

வெள்ளைநிற நூலை மஞ்சளில் தோய்த்து எடுத்து, மாவிலைகளை ஒரே அளவு எடுத்துக் கொள்ள வேண்டும். பிறகு அதனை சுத்தம் செய்து துடைத்து, அதில் மஞ்சள் தடவி குங்குமம் வைத்து நன்கு காய வைத்து கட்ட வேண்டும். இதனுடன் வேப்பிலைகளையும் சேர்த்து வீட்டில் கட்ட வேண்டும். இதன்மூலமாக, எமது உடல் குளிர்மையைப் பெற்றுக் கொள்ளும் எனக் கூறப்படுகின்றது.

நிலவாசற்படியில் இந்த மாவிலை தோரணத்தை விஷேச நாட்களிலும், பண்டிகையின் போதும் கண்டிப்பாக அனைத்து வீடுகளிலும் கட்டுவதை நாம் வழக்கத்தில் வைத்துள்ளோம். மா விலைகளுக்கு ஒரு சிறப்புத் தன்மை உண்டு. அவை மரத்தில் இருந்து பறித்த பிறகும், கரியமில வாயுவை எடுத்துக் கொண்டு, ஒக்சிஜனை வெளிவிடும் தன்மைக் கொண்டது.

மாவிலை ஒரு கிருமி நாசியாகவும் உள்ளது. நம் வீட்டில் உள்ள வாஸ்து குறைபாட்டை நீக்க வல்லது. இதற்கு 11 அல்லது 21, 101, 1001 மாவிலைகளை தோரணமாக கட்டுவது நல்லது.
__________________________________________________

 47.நெய் விளக்கு ஏற்றுவது ஏன்?

நெய் விளக்கின் மட்டுமே தூய்மையான வெள்ளை ஒளி ஒரே சீராக கிடைக்கும். இந்த ஒளி வெள்ளத்தில் அந்த

இடத்திலுள்ள காற்று தூய்மையாக்கி, பிராண வாயு சுத்தமாக

கிடைக்கும்.

__________________________________________________

48. கற்பூரத்தில் அடித்து சத்தியம் செய்ய மறுப்பது ஏன்?

சிவனின் நாட்டிய வடிவம் நடராஜர். இவர்
கையில் அக்னி சட்டி ஏந்தியுள்ளார். அவர் கையில் உள்ள நெருப்பு, உலகத்தில் உள்ள நமது சொந்த பந்தங்கள் போன்ற கட்டுகளை எரித்து, நம்மை விடுதலை அடைய செய்கிறது.
மேலும், நீ எங்கு சென்றாலும், முடிவில் இந்த அக்னிக்கு தான் இரையாவாய். நீ வாழும் காலத்தில் நன்மை செய்தால், இந்த நெருப்பு உன்னை எரிக்கும் போது ஆன்மா குளிரும், கேடு செய்தால் சுடும்

என்பதையும் சுட்டிக்காட்டுகிறது. கற்பூரம் கொளுத்தி, அதன் மீது சத்தியம் செய் என்றால் பயப்படுகிறார்கள். காரணம் கடவுள் நெருப்பு வடிவம் என்பதால் தான்.

__________________________________________________

49.சுப நிகழ்ச்சிக்கு வெற்றிலை, பாக்குடன் அழைப்பது ஏன்?
வெற்றிலையும், பாக்கும் சேர்ந்தால் தான் வாய் சிவக்கும்.  ஜீரண சக்தி அளிக்கும். எந்த பொருட்கள் இணைவதால் உடம்புக்கு நன்மை கிடைப்பது போல் மண வீட்டாருடன் உறவினர்களும் இணைந்து சுபநிகழ்ச்சி நடத்திக் கொடுக்க வேண்டும் என்பதே
இதன் நோக்கம்.
__________________________________________________

50.ஆடி மாதம் கூழ் ஊற்றுவது ஏன்?
ஆடி மாதத்தில் அம்மன் கோவில்களில், வீடுகளில் , கூழ் வார்க்கும் திருவிழா சிறப்பாக நடைபெறும், அடியில் அம்மனுக்கு கூழ் செய்து பக்தர்களுக்கு வழங்கினால், அன்னையின் மனம் குளிர்ந்து அருள் தருவாள் என்பது ஐதீகம்.

ஆடி மாதம் வீசக்கூடிய காற்றின் வேகம் அதிகமாக இருக்கும். அதனால் எங்கும் தூசியாக இருக்கும், இதனால், இருமல் போன்ற நோய்கள் வரும் வாய்ப்புகள்
அதிகம். இதைத் தவிர்க்க அம்மன் கோயில்களிலும், வீடுகளிலும் ஆடி மாதம் முழுவதும் கூழ் ஊற்றுவார்கள்.
இதை 'ஆடிக் கஞ்சி' எனவும் அழைக்கின்றனர்.
__________________________________________________

51.காவடி எடுப்பது ஏன்? 
வாழ்க்கையில் மனிதன் பல கஷ்டங்களை அனுபவிக்கிறான். அதை
சிலரிடம் சொல்லி ஆறுதல் தேடி முயற்சிக்கலாம். ஆனால், அந்த சிலர்
எந்த அளவுக்கு நம்பிக்கைக்கு உரியவர்கள் இருப்பார்கள் என்பது சந்தேகம். ஆனால், கடவுள் கல்லா இருந்தாலும் கருணையோடு நம்
குறையைக் கேட்பான். அவன் முன்னால் அமர்ந்து கண்ணீர் விட்டு, கவலையை தெரிவித்தால் நம் மனச்சுமை இறங்கி விடும். காவடி என்னும் தோளில் சுமக்கப்படும் சுமை. கந்தன் காலடியில் இந்த சுமையை இறக்கி வைக்கும் போது, நம் மனச்சுமையையும் சேர்த்து இறக்கி வைத்து விடலாம். அந்தச் சுமையை கந்தன் ஏற்றுக்கொண்டு நமது மன பளுவைக் குறைத்து விடுவான். தைப்பூசத்திருவிழா நமது சுமையை இறைவனிடம் ஒப்படைக்கும் நன்னாளாக உள்ளது.
__________________________________________________

52.காசிக்கு செல்லும் முன் ராமேஸ்வரம் செல்ல வேண்டுமா?
ஆம். முதலில் ராமேஸ்வரத்தில் நீராடி ராமநாதசுவாமி தரிசித்து கடல் நீரும், மணலும் எடுத்து காசிக்கு செல்ல வேண்டும். அங்கு மணலைக் கங்கையில் சேர்த்து விட்டு, கடல் நீரால்
விஸ்வநாதனுக்கு அபிஷேகம் செய்ய வேண்டும். அங்கிருந்து கங்கா தீர்த்தம் எடுத்து வந்து ராமேஸ்வரம் சிவனுக்கு அபிஷேகம் செய்தால் யாத்திரை முழுமை பெறும்.
__________________________________________________

53.இந்து மத பூஜைகளில் ஏன் சங்கு ஊதப்படுகிறது தெரியுமா? அதனால் கிடைக்கும் அற்புத பலன்கள் என்ன தெரியுமா?
பூஜையின் போது சங்கு ஒலிப்பது. கோவிலாக இருந்தாலும், வீட்டு பூஜையாக இருந்தாலும் சங்கு ஒலிப்பது என்பது முக்கியமான ஒன்றாகும்.
புராதனகால நம்பிக்கைகளின் படி தேவர்களும், அசுரர்களும் பாற்கடலை அமிர்தத்திற்காக கடைந்த போது கடலில் இருந்து வெளியே வந்ததுதான் சங்கு ஆகும். இதனால் இந்து மத வழிபட்டு முறைகளில் இதற்கு அதிக முக்கியத்துவம் அழிக்கப்படுகிறது. பல கடவுள்கள் கையில் வைத்திருப்பதால் இது புனிதத்தின் அடையாளமாக கருதப்படுகிறது.

ஆன்மீகம் தவிர்த்து அறிவியல் ரீதியாகவும் சங்கிலிருந்து வெளிப்படும் ஒலிக்கு அதிக முக்கியத்துவம் இருக்கிறது. சங்கு சரியாக ஒலிக்கப்படும் போது அது சுற்றுப்புறத்தில் இருக்கும் நிறைய மனிதர்களுக்கு தீங்கு விளைவிக்கும் நுண்ணுயிர்களை அழிக்கிறது.

வீட்டை பாக்டீரியா மற்றும் வைரஸ்களிடம் இருந்து பாதுகாக்க எப்படி சாணத்தை கரைத்து வீட்டில் பூசுவார்களோ அதேபோல சங்கு ஊதுவதும் வீட்டை சுத்தம் செய்யும் ஒரு முறையாகும். இது வீட்டில் உள்ளவர்களை பல நோய்த்தொற்றுகளில் இருந்து பாதுகாக்கும் முறையாகும்.

முன்னரே குறிப்பிட்டது போல இந்து மதத்தில் சங்குக்கு என்று ஒரு முக்கியத்துவம் உள்ளது, பூஜைகளில் இது பயன்படுத்தப்பட காரணங்களும் உள்ளது. வராக புராணத்தில் குறிப்பிட்டுள்ளபடி சங்கு ஊதாமல் எந்த கோவிலின் கதவும் திறக்கப்படாது.

சங்கை ஊதும்போது அதிலிருந்து சக்திவாய்ந்த அதிர்வுகள் வெளிப்படும் என்பது நாம் அறிந்ததுதான். பூஜையின் போது இதிலிருந்து வரும் சக்திவாய்ந்த அதிர்வுகள் நம்மை சுற்றியிருக்கும் எதிர்மறை ஆற்றல்களை விரட்டும் என்று கூறப்படுகிறது. மேலும் இது ஆற்றலை ஒரு இடத்தில் குவிக்கும் மையப்புள்ளியாகவும் இருக்கிறது.

சாதாரண மக்களுக்கு புரியும்படி கூற வேண்டுமென்றால் பூஜையின் போது மணி அடிப்பது எப்படி கவனத்தை ஈர்த்து காஸ்மிக் ஆற்றலை உருவாக்குகிறதோ சங்கு ஒலிப்பது அதனை விட சக்திவாய்ந்த ஒன்றாகும்.

பூஜைகளுக்கு மட்டுமன்றி சங்கு பல பலன்களை வழங்கக்கூடியதாக இருக்கிறது. வாஸ்துவை பொறுத்தவரையில் இது மிகவும் பயனுள்ள ஒன்றாகும். வீட்டின் சரியான திசையில் சங்கை வைப்பது உங்கள் வீட்டிற்கு லக்ஷ்மி தேவியின் அருளை பெற்றுத்தரும். சங்கில் குளிப்பது, தண்ணீர் குடிப்பது என ஒவ்வொன்றும் உங்களுக்கு ஒரு பலனை வழங்கக்கூடியது.
__________________________________________________

54.பசுஞ்சாணம் கலந்த நீரால், வாசல் தெளிப்பதன் சிறப்பு என்ன?
பசுஞ்சாணம் சிறந்த கிருமி நாசினி. தெய்வ சக்தியும் மங்களமும் இணைந்தது. வாசலில் தெளிப்பதால் தொற்று நோய் வராமல் பாதுகாப்பதுடன் வீட்டையும்
சுபிட்சமாக்கும்.
__________________________________________________

55.தோப்புக்கரணம் செய்வது ஏன்?
கோவில் வழிபாட்டில் முதல் வணக்கம் விநாயகருக்குத் தான். அவர் முன் தோப்புக்கரணம் செய்து வழிபாட்டை துவங்குகிறோம்.

இதற்கு 'தோர்பிகரணம்' என்று பெயர். கைகளால் காதைப் பிடித்துக் கொள்வது என்பது இதன் பொருள். கைகளால் காதுகளைப் பிடித்தபடி மூன்று முறை குனிந்து நிமிர்ந்து, பின் தலையில் குட்டிக் கொள்வது வழக்கம். மறந்து போன விஷயத்தை நினைவு படுத்த, தலையில் கை வைத்து தட்டியபடியே நினைவுக்கு கொண்டு வர முயற்சிப்போம். அப்போது நரம்புகள் தூண்டப்பட்டு மறந்த விஷயம் நினைவுக்கு வரும். அது போல காதை பிடிக்கும் போது, நரம்பு மண்டலம் தூண்டப்படும். மூளை விழிப்படைந்து நினைவாற்றல் பெருகும். ரத்த ஓட்டம் சீராகும். சுறுசுறுப்பு உண்டாகும்.

அக்குபஞ்சர் சிகிச்சை போல, தோப்புக்கரணம் புத்துணர்வுக்கு வழிவகுக்கும். அந்தக் காலத்தில் ஆசிரியர்கள், மறதிக்கு உள்ளாகும் மாணவர்களை காதைத் திருகி தண்டனை வழங்கியதும் இதற்காகவே...!

__________________________________________________

56.தர்ப்பை புல் மகிமை

• தர்ப்பை புல்லில் உஷ்ண வீரியம் உள்ளது, அது நீரை தூய்மைபடுத்தக்கூடியது. விஷத்தை முறிக்க வல்லது. இதனால் தான்கிரகண காலங்களில் பரவும் நச்சு தன்மையை போக்க, உப்பு கலந்துஉணவுப் பொருட்களில் தர்ப்பையை போட்டு வைப்பார்கள். 
• தர்ப்பை இல் ஆண் தர்ப்பை, பெண் தர்ப்பை, அலி தர்ப்பை என மூன்று வகை உண்டு. ஆண் தர்ப்பை அடி முதல் முடி வரை சமமாக இருக்கும்vமேல் பகுதி தடித்து காணப்படுவது பெண் தர்ப்பை . அடியில் துடித்து , காணப்படுவது அலி தர்ப்பை, தர்ப்பையின் அடியில் பிரம்மனும், நடுவில் திருமால், நுனியில் சிவனும் வாசம் செய்வதாக புராணங்கள் தெரிவிக்கின்றன. 
• கும்பாபிஷேகத்தின் போது யாக சாலையில் உள்ள குடும்பத்தின் ஆற்றலை பிம்பத்தில் ஒடுக்கும் கிரியையில் தங்கம், வெள்ளி கம்பிகளுடன் முக்கியமாக தர்ப்பைக் கயிற்றைப் பயன்படுத்துவார்கள்.
• வைதீகச் சடங்கின் போது பவித்திரம் என்ற தர்ப்பையில் மோதிரத்தை வலது கை மோதிர விரலில் அணிந்து கொண்டு கர்மத்தைத் தொடங்க வேண்டும். இந்த விரலில் சுப நாடி ஓடுவதால் அதில் தர்ப்பையை ,அணியும் போது சுகத்தை ஏற்படுகிறது.

__________________________________________________

57.திருமண சடங்குகளும் அதன் விளக்கமும்

***************************************

நம்முடைய இந்து சமயத்தில் திருமண நிகழ்ச்சியின்போது செய்யப்படும் சடங்குகளுக்கு சுருக்கமாக
விளக்கம் அளித்துள்ளேன்.

1.நாட்கால்/ பந்தகால் நடல்:
*****************************
இதை பந்தகால் நடுவது என்பார்கள். பந்தகால் நடுவதற்கு வேரில்லாமல் துளிரும் மரத்தை (பூவரசம் மரம்) வெட்டி நட வேண்டும். மரத்தின் நுனியில், முனை முறியாத மஞ்சள், 12 மாவிலைகள், பூ மூன்றையும் இணைத்து கட்ட வேண்டும். பின்பு நட வேண்டிய குழியில் வெள்ளி நாணயம் , பூ , நவ தானியம் இவற்றை போட்டு  பந்த கால் நட வேண்டும். சாம்பிராணி காண்பித்து தேங்காய் உடைக்க வேண்டும்.

பந்தகால் நட்டவுடன் மரத்தின் அடியில் பால் ஊற்றி, மஞ்சள், குங்குமத்தை மேல் நோக்கி தடவ வேண்டும். மாவிலை, நவதானியம், வெள்ளி நாணயம், பூ, தீய சக்திகளை உள்வாங்கிக் கொள்ளும். பிரபஞ்சத்தில் உள்ள பஞ்ச பூதங்களுக்கும் அறிவிக்கை செய்து ஆசி பெறுவது நோக்கமாகும்.

2.பொன்னுருக்குதல்:
***********************
திருமாங்கல்யம் என்பது சுமங்கலியின் சின்னம் ஆகும், போற்றி பாதுகாக்க  ஏற்கக்கூடியது. இப்படி தெய்வத் தன்மை வாய்ந்த நீரை இதற்கு பயன்படுத்துகின்றனர். திருமணச்சடங்குகளில் மிக முக்கியமானது தாரை வார்த்தல். தாரை வார்த்த பின்பு தான் மணமகன் மணமகள் கழுத்தில் தாலி கட்டும் உரிமையை அடைகின்றான்.

”என் மகளை தெய்வங்களின் சாட்சியாக உனக்கு மனைவியாக கொடுக்கின்றேன் “ என மணமகளின் பெற்றோர் , தாரை வார்த்து கொடுக்க மணமகனின் பெற்றோர் உங்கள் மகளை இனி எங்களது மறு – மகள் (மருமகள்) ஆக ஏற்றுக் கொள்கின்றோம் என்பதற்கான உறுதிமொழி .

எனவே தான் மாப்பிள்ளையின் தாயார் கை ஏற்றுக்கொள்ளும் விதமாக அடியில் இருக்க , அதற்கு மேல் மணமகனின் தந்தையின் கை , மணமகனின் கை , மணப்பெண்ணின் கை , மணப்பெண்ணின் தந்தையின் கை , எல்லாவற்றிற்கும் மேலாக மணப்பெண்ணின் தாயாரின் கை. இந்த வரிசையில் கைகளை வைத்து இச்சடங்கு நடைபெறும். உரிமையை விட்டுக்கொடுப்பதற்கு அடையாளமாக செய்யப்படும் சாஸ்திரப்பூர்வமான சடங்கு தாரை வார்த்தல் எனப்படும்.

3.கலப்பரப்பு:
***************
மாப்பிள்ளை வீட்டார் கொடுக்கும் சேலையை களத்தில் பரப்பி (தரையில் விரித்து) மணப் பெண் அமர்ந்து மங்களப் பொருட்களை இரு வீட்டாருக்கும் வழங்குதன் மூலம் இரு வீட்டாரும் கலந்து ஒன்றாகிவிட்டதற்கான அடையாள நிகழ்ச்சி (கலம் என்பது பாத்திரம்) ஆகும். பாத்திரத்தில் மங்கலப்பொருட்களை (மஞ்சள் கலவை, வெற்றிலை , பாக்கு , தேங்காய் , பழக்கள் பூச்சரம்) நிரப்புதல் கலப்பரப்பு ஆகும் .

4.காப்பு கட்டுதல்:
*******************
காப்பு என்பது அரண் போன்றது . மங்களகரமான சக்தி வாய்ந்த மங்கள உரு வாய்ந்த மஞ்சள் கயிற்றை காப்பாக கட்டுவது. திருஸ்டி மற்றும் அசுர சக்திகளால் இடையூறுகள் வராமல் தடுப்பதற்கு காப்புக் கட்டுவதில் இருந்து மறுநாள் காப்பு அவிழ்க்கும் வரை திருமணம் சம்பந்தமான அனைத்து நிகழ்ச்சிகளையும் தடையின்றி செய்வேன் என்பதை உறுதி செய்யும் சடங்காகும். அனைத்து நிகழ்ச்சிகளும் தடையின்றி நடைபெறும் வண்ணம் இடையூறு வராமல் காக்குமாறு தெய்வத்தை வேண்டிக் கட்டப்படுவது ஆகும்.

5.முளைப்பாலிகை :
**********************
நவதானியத்தின் மூலம் நவக்கிரகங்களை சாந்தி செய்வது. முளைப்பாலிகையில் இடப்படும் நவதானியங்கள் வளர்வதுபோல் குடும்பமும் செழித்து வளரட்டும் என்பதற்கான அடையாளச் சடங்கு . கள்ளங்கபடமற்ற குழந்தைகளின் உள்ளம் தெய்வீக பண்பின் உறைவிடம். எனவே சிறுமியர் மூலம் இச்சடங்கு நடத்தப்படுகின்றது.

6.தாரை வார்த்தல் :
*********************
தாரை என்றால் நீர் என பொருள் . நீருக்குத் தீட்டில்லை. நீர் மந்திர நாத ஒலியின் அதிர்வை ஏற்கக்கூடியது. இப்படி தெய்வத் தன்மை வாய்ந்த நீரை இதற்கு பயன்படுத்துகின்றனர். திருமணச்சடங்குகளில் மிக முக்கியமானது தாரை வார்த்தல். தாரை வார்த்த பின்பு தான் மணமகன் மணமகள் கழுத்தில் தாலி கட்டும் உரிமையை அடைகின்றான்.

"என் மகளை தெய்வங்களின் சாட்சியாக உனக்கு மனைவியாக கொடுக்கின்றேன்" என மணமகளின் பெற்றோர் , தாரை வார்த்து கொடுக்க மணமகனின் பெற்றோர் உங்கள் மகளை இனி எங்களது மறு – மகள் (மருமகள்) ஆக ஏற்றுக் கொள்கின்றோம் என்பதற்கான உறுதிமொழி .

எனவே தான் மாப்பிள்ளையின் தாயார் கை ஏற்றுக்கொள்ளும் விதமாக அடியில் இருக்க , அதற்கு மேல் மணமகனின் தந்தையின் கை , மணமகனின் கை , மணப்பெண்ணின் கை , மணப்பெண்ணின் தந்தையின் கை , எல்லாவற்றிற்கும் மேலாக மணப்பெண்ணின் தாயாரின் கை. இந்த வரிசையில் கைகளை வைத்து இச்சடங்கு நடைபெறும். உரிமையை விட்டுக்கொடுப்பதற்கு அடையாளமாக செய்யப்படும் சாஸ்திரப்பூர்வமான சடங்கு தாரை வார்த்தல் எனப்படும்.

7.தாலி கட்டுவது
******************
தாலி என்பது மணமகன், மணமகள் கழுத்தில் கட்டும் மஞ்சள் கயிறு ஆகும். மஞ்சள் நிறம் இந்துக்களின் புனித நிறம் ஆகும். மேலும் தாலி என்பது ஒரு பெண்ணுக்கு அடையாள சின்னமாகும்.
தலைநிமிர்ந்து நடந்து வரும் ஆடவர், ஒரு பெண்ணை பார்க்கும் பொழுது, கழுத்தில் தாலியை பார்க்கும் பொழுது இவள் மற்றவருக்கு உரியவள் என ஒதுங்கி போய்விடுவார்.

தாலம் பனை என்ற பனை ஓலையினால் செய்த ஒன்றையே பண்டைக்காலத்தில் மணமகன் மணமகள் கழுத்தில் கட்டி வந்த படியால் இதற்குத் தாலி என்ற பெயர் வந்தது. தாலமாகிய பனை ஓலையினால் செய்தது என்பது இதன் பொருள். பனை ஓலைத் தாலி அடிக்கடி பழுதுபட்டதால் நிரந்தரமாக இருக்க உலோகத்தால் ஆன தாலி செய்து பயன்படுத்தினர். பின்னாளில் அதனைப் பொன்னால் செய்து பொற்றாலி ஆக்கினர்.

ஆயினும் தாலியின் உண்மையான அடையாளம் பொன்னில் செய்வதால் அல்ல. வெறுமே ஒரு விரலி மஞ்சளை எடுத்துக் கயிற்றால் கட்டி கழுத்தில் முடிச்சுப் போடுவது கூடத் தாலி தான்.
(இயல் மஞ்சளை எடுத்து, வெய்யிலில் காயவைத்து, நீரில்லாமல் வற்றவைத்த மஞ்சளுக்குத் தான் விரலி மஞ்சள் என்று பெயர். விரல் விரலாய் இருக்கும் மஞ்சள் விரலி மஞ்சள். மஞ்சள் கட்டும் கயிற்றுக்கும் மஞ்சள் நிறம் ஏற்றுவார்கள்.) தாலியின் “மஞ்சள் கயிறு கட்டுதல்” ஆகியவற்றில் அடங்கி இருக்கிறதே ஒழிய பொன், பணம், சங்கிலி என்பதில் இல்லை.

இன்னார் மகன், இன்னார் மகளை இன்னார் சம்மதத்துடன் இன்னார் முன்னிலையில் இந்த நேரத்தில் இந்நாளில் கல்யாணம் செய்துகொள்வதாக அனைவரும் கையொப்பமிட அந்த தாலியினை கயிற்றில் கோர்த்து மணமகளின் கழுத்தில் மணமகன் கட்டியதாக சாஸ்திரம் கூறுகிறது. தாலி என்பது ஆரியர்களுக்கு பிறகு வந்த பழக்கம் என சிலர் கூறுவர்.ஆனால் அது தவறாகும். பண்டைய காலத்திலேயிருந்து தமிழர்கள் பின்பற்றிவந்த ஒரு சம்பிரதாயமாகும். பண்டைய இலக்கியங்களில் இதை மங்கள நாண் என்று கூறப்பட்டுள்ளது. மாங்கல்ய சரடானது ஒன்பது இழைகளை கொண்டதாகும். ஒவ்வொரு இழைகளும் ஒவ்வொரு நற்குணங்களை குறிக்கிறது.

தெய்வீககுணம், தூய்மையான குணம், மேன்மை, தொண்டுள்ளம், தன்னடக்கம், ஆற்றல், விவேகம், உண்மை, உள்ளதை உள்ளபடி புரிந்துகொள்ளுதல் போன்ற ஒன்பது குணங்களும் ஒரு பெண்ணிற்கு இருக்கவேண்டும் என்பதற்காகவே, ஒன்பது சரடு உள்ள மாங்கல்ய நாண் பெண்களுக்கு அணியப்படுகிறது.

8. ஹோமம் வளர்த்தல் :
*************************
வேதங்களில் சொல்லப்பட்டப்படி அக்னி சாட்சியாக திருமணம் நடைபெற வேண்டும். ஹோமத்தின் மூலம் நவக்கிரகங்களைத் திருப்திபடுத்த வேண்டும். ஹோமத்தில் இடப்படும் பொருட்கள் சுற்றுப்புறத்தை சுத்தப்படுத்துகிறது. ஹோமப்புகை உடலுக்கும், மனதுக்கும் ஆரோக்கியத்தைக் கொடுக்கும். எந்த ஒரு நிகழ்வும் அக்னி சாட்சியாக நடந்தால் தான் சாஸ்திரப்படி சரியாகும் .

9.கும்பம் வைத்தல் :
*********************
கும்பம் இறைவனது திரு உடம்பின் அடையாளம். இறைவனின் வித்யா தேகமாகத் திகழ்வது கும்பம். இறைவனது திருமேனி , கும்பத்தில் பாவிக்கப்படும்.

கும்பவஸ்திரம் - உடம்பின் தோல்
நூல் - நாட நரம்புகள்
குடம் - தசை
தண்ணீர் - இரத்தம்
நவரத்தனங்கள் - எலும்பு
தேங்காய் - தலை
மாவிலை - தலைமயிர்
தருப்பை - குடுமி
மந்திரம் - உயிர்
ஆகியவற்றைக் குறிப்பிடுகிறது.

10.அம்மி மிதித்தல் :
*********************
அம்மி என்பது கருங்கல்லினால் ஆன சமையல் செய்வதற்கு பயன்படும் பொருட்களை அரைப்பதற்கு பயன்படும் கருவியாகும். அம்மி மிக உறுதியுடனும், ஒரே இடத்தில் அசையாமல் இருக்கும். திருமண பெண் புகுந்த வீட்டில் எவ்வளவு பிரச்சினைகள் இருந்தாலும், கணவர், மாமானார், மாமியார், நாத்தானார் மற்றும் அனைவராலும் சங்கடங்கள் வந்தாலும், மன உறுதியுடன் எதையும் எதிர்கொள்ளும் பக்குவத்தை கொண்டிருக்க வேண்டும் என்பதை உணர்த்தவே அம்மி மிதிப்பது ஆகும்.

11.அருந்ததி பார்த்தல் :
************************
அருந்ததி என்பது ஏழு ரிஷிகளில் ஒருவரான வசிஷ்டர் அவர்களின் மனைவியாவார். ஏழு ரிஷிகளும், வானில் நட்சத்திரங்களாக ஒளி வீசுகிறார்கள். இதைத் தான் நாம் துருவ நட்சத்திரம் என்கிறோம். ஏழு நட்சத்திரங்களில், ஆறாவதாக (நட்சத்திரம்) இருப்பவர் வசிஷ்டர் ஆவார். இவருடைய மனைவி அருந்ததி ஆவார்.

இரவு நேரத்தில் வடக்கு வானில் நாம் பார்த்தோம் என்றால், சப்த ரிஷி மண்டலத்தை காணலாம். ஆறாவது நட்சத்திரமாக ஒளி வீசும் வசிஷ்டர் நட்சத்திரத்தை கூர்ந்து கவனித்தால் அருகிலேயே அருந்ததி நட்சத்திரத்தையும் பார்க்கலாம். மற்ற ரிஷிகள் எல்லாம் ரம்பா, ஊர்வசி, மேனகை இவர்களிடம் சபலபட்டவர்கள். அதேபோல் அவர்களுடைய மனைவிகளும், இந்திரனனின் மேல் சபலப்பட்டவர்கள்.

ஆனால் வசிஷ்டரும், மனைவியும் ஒன்று சேர்ந்து, மற்றவர்களின் மீது எந்த சபலம் இல்லாமல் வாழ்ந்தவர்கள். அருந்ததி நட்சத்திரம் அருகிலேயே இருந்தாலும், நம் கண்களுக்கு ஒரே நட்சத்திரமாக தெரிகிறது. அதேபோல் மணமக்கள் இருவராக இருந்தாலும், எண்ணங்களும், சிந்தனைகளும் ஒன்றாக இருக்கவேண்டும். மணமகளும் அருந்ததியை போல் கண்ணியமாகவும், கட்டுபாட்டுடன் வாழ வேண்டும் என்பதை உணர்வதற்காக அருந்ததி பார்க்க சொல்கிறார்கள்.

12.ஏற்றி இறக்குதல் :
**********************
மணமக்களை பாதுகாக்க இரு சுமங்கலிகள் மங்கலப் பொருட்களை (திருவிளக்கு , நிறைநாழி , சந்தனக்கும்பம், பன்னீர்ச் செம்பு , தேங்காய் , பழம் , குங்குமச்சிமிழ் , மஞ்சள் பிள்ளையார் போன்றவை) தொட்டுச் செய்யும் சடங்கு. மேலும் அருவ நிலையிலிருந்து மணமக்களை ஆசிர்வதிக்கும் தெய்வங்களுக்கும் பஞ்ச பூதங்களுக்கும் , முன்னோர்களுக்கும் காட்டும் மரியாதையான பாவனை, திருஸ்டி கழிப்பதற்காக செய்யப்படுவதும் உண்டு.

13. அடை பொரி :
******************
பச்சரிசி மாவினால் செய்யப்படும் அடையும் பல உருவத்தைக் காட்டும் வகையில் பொரிக்கப்படும் நெல் பொரியும் , திருமண நிகழ்வுகளால் ஏற்படும் பல்வேறு திருஸ்டி தோஸங்களை நீக்க வல்லது. இது அட்டத்திக்கு பாலகர்களுக்கு கொடுக்கப்படும் அவிர் பாகம் ஆகும்.

14. நிறை நாழி :
*****************
நித்தமும் குத்து விளக்கு என்று சொல்லக்கூடிய திருவிளக்கருகே வைத்து வழிபட்டால் நற்பேறுகள் பெருகும் என்பது ஐதீகம் ஆகும்.

15.ஒலுசை :
*************
ஒலுசை என்பதை வரதட்சணை என்றும் கூறுவர். மணமகள் அனைத்து வகைச் செல்வங்களுடன் கணவன் வீட்டிற்கு வருகிறாள் என்பதை அறிவிக்கும் நிகழ்ச்சி.

சிறப்பான இல்லற வாழ்விற்கு அத்தியாவசியமான பொருட்களை பொறுப்புணர்ச்சியுடன் பெண் வீட்டார் கொடுப்பது. ஒலுசைப் பொருட்களைப் பட்டியலிட்டு சபையில் கொடுப்பது தற்சமயம் குறைந்து வருகிறது. இது வரவேற்க்க தக்க விசயமாகும்.

16.மணமகள் பொங்கலிடுதல் :
**********************************
முதல் நாள் திருமண நிகழ்ச்சிகள் அனைத்தையும் சிறப்பாக நடத்திக் கொடுத்த இறைவனுக்கும், முன்னோர்களுக்கும் சூரியன் முதலான தேவர்களுக்கும் நன்றி தெரிவிக்கும் நிகழ்ச்சி ஆகும்.

மணமகள் வீட்டுப் பொறுப்பை ஏற்றுக் கொண்டாள் என்பதைக் வெளிப்படுத்துவது. புதுப்பெண்ணின் சமையல் நளினம் பற்றி மற்றவர்கள் தெரிந்து கொள்ள உதவுவது. இதுதான் மணப்பெண்ணின் முதல் சமையல். இன்று போல் என்றும் வாழ்க்கை பால் போல் பொங்கவேண்டும் என்பதற்கான அறிகுறியே பொங்கலிடுவதின் நோக்கமாகும்.

17. பிள்ளை மாற்றுவது :
***************************
எதிர்வரும் நிகழ்வுகளுக்கு அச்சாரம். இனியும் நீங்கள் பச்சைக் குழந்தைகள் அல்ல என்பதை மணமக்களுக்கு உணர்த்தும் செயல்வடிவ உபதேசம்.
பிறக்கப் போகும் குழ்ந்தைகள் நல்ல முறையில் சிறப்பாக இருக்கவேண்டும் என்ற நோக்கத்தில் அனைவரும் ஒரு சேர வாழ்த்துவது.

திருமணத்தின் பயனே நன்மக்கட்பேறு ”மங்கலமென்ப மனைமாட்சி மற்று அதன் நலம் நன்மக்கட்பேறு “ – திருவள்ளுவரின் வாக்காகும். நன்மக்கட்பேறு பெறுவதற்காக செய்யப்படும் ஒரு சடங்கு .

18. மறுவீடு :
**************
மணமகளின் பெற்றோரும் – உறவினரும் மாப்பிள்ளை வீட்டிற்கு முதன்முறையாக மணமகளுடன் சென்று – விருந்துண்டு மகிழ்ந்து – உறவை வலுப்படுத்துவது.

ஒரு பெண்ணிற்கு பிறந்தவீடு வாழ்க்கையும் , புகுந்த வீடு வாழ்க்கையும் ஒரு நாணயத்தின் இரு பக்கங்கள் போன்றது. மகளை வாழ்க்கையின் மறுபக்கத்தை காணச் செய்வதே – மறுவீடு ஆகும்.

19. கோவிலுக்கு அழைத்துச் செல்லல் :
*****************************************
நல்ல திருமண வாழ்க்கை வேண்டும் என்பது மணமக்களின் பிரார்த்தனைகளில் ஒன்றாக அமைந்திருக்கும். வேண்டுதலை நிறைவேற்றிய இறைவனுக்கு நன்றி செலுத்துவதுடன் , இல்லற வாழ்க்கை வளம் பெற தெய்வங்களின் ஆசி பெறுவதற்கு தம்பதிகளைக் கோவிலுக்கு அழைத்துச் செல்ல வேண்டும்.
__________________________________________________

58.மகா சிவராத்திரியில் கண்விழித்தால் உண்டாகும் பலன் என்ன?
வானியல் அறிவியல் படி ஒரு வருடத்தில் ஒன்பது கோள்களும் ஒரு குறிப்பிட்ட நேர்கோட்டில் வருகின்ற நாள் மகா சிவராத்திரி தினம் வருகிறது. இந்த இயற்கை அற்புதம் மிகுந்த நாளில் யோகிகள், சித்தர்கள் போன்றோர்கள் இரவெல்லாம் உறங்காமல் இருந்து தங்கள் உடலில் இருக்கும் குண்டலினி
சக்தி மேல் எழும்ப செய்து இறையனுபவம் மற்றும் ஞான நிலை பெறுவர்.

யோகாசனங்கள், தியானம் போன்ற கலைகளை பயிலாதவர்கள் கூட இந்த மகா சிவராத்திரி தினத்தில் உறங்காமல் கண் விழித்து சிவ சிந்தனையில் இருந்தால், நமது ஒவ்வொருவரின் உடலுக்குள் இருக்கின்ற குண்டலினி சக்தி இயங்கி நம்மை இறைவன் பால் கொண்டு செல்வதை, உணரலாம்.
__________________________________________________

59.இடி இடிக்கும் போது அர்ஜுனா அர்ஜுனா என்று சொல்லுவது ஏன் தெரியுமா ?
இடி பலமாக இடிக்கும் போது, சிலரது காது அடைத்து ஙொய்ங் என்று சத்தம் வரும். இதிலிருந்து தப்ப அர்ஜுனா என்றால் போதும் காது அடைக்காது. அர் என்று சொல்லும் போது, நாக்கு மடிந்து மேல் தாடையைத் தொடும். ஜு என்னும் போது வாய் குவிந்து காற்று வெளியேறும். னா என்னும் போது, வாய் முழுமையாகத் திறந்து காற்று வெளியே போகும். இப்படி காற்று வெளியேறுவதால் காது அடைக்காது.

அதற்குத்தான் அர்ஜுனாவை நம்மவர்கள் துணைக்கு அழைத்தார்கள்.
அர்ஜுனன் கிருஷ்ண பக்தன் என்பதால், அவன் பெயரை உச்சரிப்பது மனதுக்கு பலம் என்ற ஆன்மிக காரணத்துடன், காது அடைத்து விடக்கூடாது என்ற அறிவியல் காரணமும் இதில் புதைந்து கிடக்கிறது.
__________________________________________________

60.திருவிளக்கு திசை பலன்கள்

திருவிளக்கு ஏற்றும் போது தீபம் நோக்கியிருக்கும் திசையில் அதற்கேற்ப பலன்கள் சிறப்புறுவது உண்டு.

• வடக்கு - திரண்ட செல்வம் வந்து சேரும், திருமண தடை நீரும், கல்வி வளர்ச்சி உண்டாகும், சர்வ மங்களம் தரும். 
• கிழக்கு - எல்லாவித கிரக தோஷங்களும், பீடைகள் விலகும். 
• தெற்கு - சமங்கலமும். அபச குனமுமாகும், தெற்கு திசை நோக்கி தீபம் ஏற்றக்கூடாது.
• மேற்கு - கடன் தொல்லை. கோயம், பங்காளி பகை, சனி பகை முதலியன நீங்கும்.

__________________________________________________